پارلامەنت سەناتىنىڭ دەپۋتاتتارى ەلىمىزدىڭ الەۋمەتتىك كودەكسىنىڭ جوباسىنا قاتىستى ماڭىزدى ماسەلەلەردى ۋاكىلەتتى مەملەكەتتىك ورگاندارمەن, ۇەۇ مۇددەلى وكىلدەرىمەن جانە جۇرتشىلىقپەن بىرلەسە وتىرىپ تالقىلادى, دەپ حابارلايدى Egemen.kz.
ەڭبەك جانە حالىقتى الەۋمەتتىك قورعاۋ مينيسترلىگىنىڭ وكىلى حالىقتى جۇمىسپەن قامتۋ ماسەلەلەرىندەگى وزگەرىستەر تۋرالى پارلامەنتشىلەرگە ايتىپ بەردى. ول مينيسترلىك جۇمىسپەن قامتۋعا جاردەمدەسۋ قىزمەتتەرىن كورسەتۋدىڭ جالپى تۇرىنەن اتاۋلى توپتامالىق شارالارىنا كوشۋ جونىندە جۇمىس جۇرگىزىپ جاتقانىن حابارلادى.
سەنات دەپۋتاتتارى زاڭ جوباسىن تالقىلاۋ بارىسىندا NEET جاستاردى جۇمىسپەن قامتۋ, مۇگەدەكتىگى بار ادامداردى جۇمىسقا ورنالاستىرۋ, الەۋمەتتىك كاسىپكەرلىكتى دامىتۋ جانە ت.ب. ماسەلەلەرگە نازار اۋداردى.
سەناتور اقمارال ءالنازاروۆا جاستاردىڭ تاجىريبەدەن ءوتۋ سالاسىنداعى پروبلەمالاردى شەشۋ قاجەتتىگىن اتاپ ءوتتى, ال دەپۋتات ءلاززات قالتاەۆا الەۋمەتتىك كودەكستە اۋىلدىق وڭىرلەردە جۇمىسپەن قامتۋدى قامتاماسىز ەتۋگە باسا كوڭىل ءبولۋدى ۇسىندى.
«سالالىق مينيسترلىك ءموبيلدى جۇمىسپەن قامتۋ بويىنشا اۋقىمدى جۇمىس جۇرگىزۋى ءتيىس. ءبىز بۇل شارالاردى ءتيىمدى ەتۋ ءۇشىن مۇنداي قىزمەتتى حاباردار ەتۋ تۇرعىسىنان باستاۋ قاجەت دەپ سانايمىز», دەدى ءلاززات قالتاەۆا.
ول ءۇشىن سالالىق مەكەمەلەر بىرقاتار جوبانى ىسكە اسىرۋدى جوسپارلاپ وتىر. جوبالار قاتارىندا ءموبيلدى جۇمىسپەن قامتۋ ورتالىقتارى, جىلجىمالى بوس ورىندار جارمەڭكەلەرى جانە ت. ب. شارالار بار.
سەناتور بيبىگۇل جەكسەنبايدىڭ ايتۋىنشا, اقپاراتتىق-ءتۇسىندىرۋ جۇمىستارىن الدىن الا جۇرگىزۋگە باسا كوڭىل ءبولۋ قاجەت. سوندا ءموبيلدى جۇمىسپەن قامتۋ ورتالىقتارى قامتيتىن حالقى از اۋدانداردىڭ تۇرعىندارى تولىق حاباردار بولادى.
سونىمەن قاتار سەناتورلار مەن كەزدەسۋگە قاتىسۋشىلار جۇمىسپەن قامتۋدىڭ جاڭا يكەمدى نىساندارىن زاڭنامالىق رەتتەۋگە قاتىستى وزگەرىستەر مەن تولىقتىرۋلاردى دا تالقىلادى. اتاپ ايتقاندا, بىرلەسكەن جۇمىس, ياعني ءبىر جۇمىس ورنىندا ەكى جۇمىسپەن قامتىلعان, قاتار جۇمىسپەن قامتىلعان, ياعني ەكى جۇمىس ورنىندا ءبىر قىزمەتكەر, سونداي-اق جىلجىمالى كەستە سياقتى جۇمىسپەن قامتۋ تۇرلەرى دە ەنگىزىلەتىن بولادى.
بۇل الەۋمەتتىك كودەكستى جەتىلدىرۋ بويىنشا جۇمىس توبىنىڭ ءۇشىنشى كەزدەسۋى. قاتىسۋشىلار وتكەن ەكى كەزدەسۋدە بالالاردىڭ قۇقىقتارى مەن مۇددەلەرىن قورعاۋعا, زەينەتاقى جۇيەسىن جەتىلدىرۋگە, اتاۋلى الەۋمەتتىك كومەك الۋعا قاتىستى ماسەلەلەردى پىسىقتاعان بولاتىن.