6 اقپاندا استانادا Respublica پارتياسىنىڭ كەزەكتەن تىس ءى سەزى ءوتتى. ءىس-شارادا پارتيالىق تىزىمدەر جانە ءبىر مانداتتى اۋماقتىق وكرۋگتەر بويىنشا ۇسىنىلعان سەگىزىنشى سايلانعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتتىعىنا كانديداتتاردىڭ ءتىزىمى بەكىتىلدى. ونىڭ قۇرامىندا 29 پارتيا مۇشەسى بولدى, دەپ حابارلايدى Egemen.kz.
Respublica پارتياسىنىڭ تەڭ توراعالارى, كاسىپكەرلەر سىرىمبەك تاۋ مەن رۋسلان بەردەنوۆ پارتيالىق تىزىمدەر جانە ءبىر مانداتتى اۋماقتىق سايلاۋ وكرۋگتەرى بويىنشا ۇسىنىلعان سەگىزىنشى مارتە سايلانعالى وتىرعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتتىعىنا كانديداتتاردىڭ ءتىزىمىن تانىستىردى.
«بۇل بيزنەس وكىلدەرى: ءتۇرلى سالانىڭ كاسىپكەرلەرى, بيزنەس-قاۋىمداستىقتاردىڭ, جوعارى وقۋ ورىندارىنىڭ جەتەكشىلەرى, ساراپشىلار مەن ماماندار, ۇيىمداستىرۋشىلار مەن يدەولوگتار پارتياسى. ولاردىڭ ارقايسىسى تاجىريبەلى جانە ءتيىمدى باسقارۋشى, ناعىز كوشباسشى. ارقايسىسىنىڭ جەكە تابىس تاريحى بار. اركىم مىڭداعان جۇمىس ورىندارىن اشادى, تەحنولوگيالاردى, بيزنەس سالاسىنا ەڭ زاماناۋي تاسىلدەردى ەنگىزەدى, ءبىلىم مەن وزىق تاجىريبەنى تاراتادى, ءوز ايماقتارىندا ازاماتتاردىڭ ءومىرىن جاقسارتادى – بۇكىل ەلدىڭ ءال-اۋقاتىن ارتتىرۋ ۇدەرىسىنە كىرپىشتەن كىرپىش اكەلۋدە. ولاردىڭ ءبىلىمى, تاجىريبەسى, كاسىبي قىزمەت اياسى ءارتۇرلى بولۋى مۇمكىن, بىراق ولاردىڭ ءبارى ءبىر نارسەگە – ەلدى وزگەرتۋگە, ەسكى قازاقستان يدەيالارىنان, بۇرىن مىزعىماستاي كورىنگەن قالىپتاسقان تارتىپتەن الشاقتاۋعا ۇمتىلادى», دەدى سىرىمبەك تاۋ.
رۋسلان بەردەنوۆ كانديداتتاردىڭ ءوز ايماقتارى مەن سالالارىنداعى اۋىرتپالىق پەن پروبلەمالاردى جاقسى بىلەتىنىن اتاپ ءوتتى.
پارتيالىق ءتىزىم بويىنشا Respublica پارتياسىنان ءماجىلىس دەپۋتاتتىعىنا كانديداتتاردىڭ اراسىندا:
ايداربەك حودجانازاروۆ. ايتۋار قوشمامبەتوۆ. اسەل داكەن. اسەم ءابدىرىموۆا. باقىتبەك حاميت. بەيبىت الىبەكوۆ. دامير سۋەنتاەۆ. دانارا سمايل. دارحان يماناشەۆ. دينارا ناۋموۆا. دينارا شۇكىجانوۆا. ەكاتەرينا سمولياكوۆا. ەرمەك ومىرزاقوۆ. زەينوللا ءابدۋماناپوۆ. يگور كوپايلوۆ. قايرات مايشەۆ. قۋانىش شونباي. قۋانىشبەك مۇقاش. قىرمىزى جاندوسوۆا. قويانباەۆ نۇرلان. نۇرگۇل تاۋ. ولجاس سۇلتانوۆ. ولجاس بولاتبەك ۇلى. ولجاس قۇسپەكوۆ. بەردەنوۆ رۋسلان.ءبىر مانداتتى اۋماقتىق سايلاۋ وكرۋگتەرى بويىنشا ۇسىنىلعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتتىعىنا رەسپۋبليكادان كانديداتتاردىڭ سانىنا كىرەدى:
باعيلا بالتاباەۆا ماحامبەت حاسەنوۆ نازيگۇل شايماردانوۆا سىرىمبەك تاۋ