«بارىس» حوككەي كلۋبى ءوز الاڭىنداعى كەزەكتى ويىنىن «سەۆەرستالمەن» وتكىزەدى. ەكى كوماندا دا پلەي-وفف كەزەڭىنە شىعۋ ءۇشىن تارتىسقا تۇسەدى, دەپ حابارلايدى Egemen.kz.
«بارىس» حوككەي كلۋبىنىڭ ءباسپاسوز قىزمەتى حابارلاعانداي, قارسىلاس كوماندا سوڭعى تۋردا ءوز الاڭىندا مينسكىنىڭ «ديناموسىنان» باسىم ءتۇسىپ, جەڭىلىس سەرياسىن ءۇزدى. قاقپاشى دميتري شۋگاەۆ قاقپاعا باعىتتالعان 34 سوققىنى قاعىپ الدى.
«سەۆەرستال» 54 ماتچتان 54 ۇپاي جينادى. كوماندانىڭ ۇزدىك ءبومبارديرى – قورعاۋشى روبين پرەسس. «بارىسقا» قارسى ويىنعا ءبىر كۇن قالعاندا دانيل پىلەنكوۆ پەن ميحايل تيحونوۆ جاراقات العانداردىڭ تىزىمىنە ەنىپ قالدى.
«استانا ورال تۋرىن جاقسى وتكىزدى, مۇمكىن بولاتىن التى ۇپايدان بەس ۇپاي جينادى. دۇيسەنبى كۇنى «بارىس» ماگنيتوگورسكىدە «مەتاللۋرگتەن» قوسىمشا ۋاقىتتا جەڭىلىپ قالدى (1:2). «بارىستىڭ» 56 كەزدەسۋدەن كەيىن 53 ۇپايى بار», دەلىنگەن حابارلامادا.
تۇراقتى ماۋسىمدا «سەۆەرستال» مەن «بارىستىڭ» العاشقى كەزدەسۋىندە رەسەي حوككەيشىلەرى 5:2 ەسەبىمەن جەڭىسكە جەتكەن ەدى.
«بارىس ارەناداعى» كەزدەسۋ ەلوردا ۋاقىتىمەن ساعات 19:30-دا باستالادى. تىكەلەي ترانسلياتسيا Qazsport تەلەارناسىنان كورسەتىلەدى.