قر پرەمەر-ءمينيسترى ءاليحان سمايىلوۆ قر ۇكىمەتىنىڭ حالىقارالىق قارجى ۇيىمدارىمەن ىنتىماقتاستىعى جونىندەگى ۇيلەستىرۋ كەڭەسىنىڭ وتىرىسىن وتكىزدى, دەپ حابارلايدى Egemen.kz.
وتىرىسقا قاتىسۋشىلار ورتا ءبىلىم بەرۋدى جاڭعىرتۋ جونىندەگى جوبانى ىسكە اسىرۋدى, اقتوبە, قاراعاندى, تاراز, ريددەر جانە قوناەۆ قالالارىندا كارىز-تازارتۋ قۇرىلىستارىن سالۋ جانە رەكونسترۋكتسيالاۋ جونىندەگى جوسپارلاردى, سونداي-اق كۇرە جولداردى رەكونسترۋكتسيالاۋ, يرريگاتسيالىق جۇيەلەردى قالپىنا كەلتىرۋ جونىندەگى بىرقاتار جوبانى جالعاستىرۋ ماسەلەلەرىن تالقىلادى.
تالقىلاۋ قورىتىندىسى بويىنشا پرەمەر-مينيستر ءتيىستى تاپسىرمالار بەردى.
كەڭەسكە ورتالىق مەملەكەتتىك ورگانداردىڭ باسشىلارى, دۇنيەجۇزىلىك بانك, ازيا دامۋ بانكى, ەۋروپا قايتا قۇرۋ جانە دامۋ بانكى, سونداي-اق يسلام دامۋ بانكىنىڭ وكىلدەرى قاتىستى.