KASE قازاقستان قور بيرجاسى 15:30-داعى جاعداي بويىنشا دوللاردىڭ ورتاشا باعامى 462,55 تەڭگەنى قۇراپ, 0,30 تەڭگەگە تومەندەگەنىن حابارلادى, دەپ جازادى Egemen.kz.
قىتاي ءيۋانىنىڭ ورتاشا ولشەنگەن باعامى تومەندەپ, 68,10 تەڭگەنى (-0,15) قۇرادى.
ەۋرو جانە رۋبل بويىنشا ساۋدا-ساتتىق وتكىزىلگەن جوق. ۇلتتىق بانك ەۋرو باعامىن 501,04 تەڭگەگە, ءرۋبلدى – 6,73 تەڭگە بەلگىلەدى.
ايىرباستاۋ پۋنكتتەرىندە دوللاردى 462-465,6 تەڭگەدەن, ەۋرونى – 501-506 تەڭگەدەن, رەسەي ءرۋبلىن – 6,45-6,7 تەڭگەدەن ساتىپ الادى/ساتادى.
سونىمەن قاتار 20 قاڭتارداعى ساۋدا-ساتتىق بارىسىندا الەمدىك مۇناي باعاسى ءوستى.
ماسەلەن, لوندونداعى ICE Futures بيرجاسىندا ناۋرىز ايىنداعى Brent مۇناي فيۋچەرستەرىنىڭ قۇنى 0,12%-عا كوتەرىلىپ, باررەلىنە 86,26 دوللاردى قۇرادى.
NYMEX نيۋ-يورك تاۋار بيرجاسىنىڭ ەلەكتروندىق ساۋدا-ساتتىعىندا WTI مۇناي فيۋچەرستەرىنىڭ اقپان ايىنداعى باعاسى 0,21%-عا ءوسىپ, باررەلىنە 80,5 دوللارعا جەتتى.