جوسپار بويىنشا «قاندىاعاش – ماقات», «اقتوبە – قاندىاعاش» اۆتوجولدارى جىل سوڭىنا دەيىن پايدالانۋعا بەرىلۋى قاجەت, دەپ حابارلايدى Egemen.kz.
ەلىمىزدىڭ باتىس وڭىرىندە بىرنەشە باعىتتاعى جولدار جوندەۋدەن ءوتىپ جاتىر. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ كەڭەيتىلگەن القا وتىرىسىندا الماز ىدىرىسوۆ ايتىپ بەردى.
«باتىس قازاقستان وبلىسىندا جالپى 248 شاقىرىمداي جولعا كۇردەلى جوندەۋ جۇرگىزىلىپ, 129 شاقىرىمداي جول ءجۇرىسى قامتاماسىز ەتىلگەن. قازىر ءتيىستى جۇمىستاردى ۋاقىتىلى اياقتاۋ ءۇشىن قاجەتتى ماتەريالدار دايىندالىپ جاتىر. اقپان ايىنان باستاپ ينەرتتى ماتەريالداردى تاسىمالداۋعا ارنالعان ۆاگوندار پاركىن ۇلعايتۋدى جوسپارلاپ وتىرمىز», دەدى ۆيتسە-مينيستر.
ايتولعان ءجۇنىسحان,
ل.ن. گۋميلەۆ اتىنداعى ەۇۋ ستۋدەنتى