باعانى قالىپتاستىرۋ تەتىكتەرىن جەتىلدىرۋ اياسىندا, سونداي-اق ينفلياتسيالىق تاۋەكەلدەردى الدىن الۋ ءۇشىن يندۋستريا جانە ينفراقۇرىلىمدىق دامۋ مينيسترلىگى قۇن يندەكسىن بەكىتتى, دەپ حابارلايدى Egemen.kz.
بۇل تۋرالى مينيسترلىكتىڭ كەڭەيتىلگەن القا وتىرىسىندا ايتىلدى. يندۋستريا جانە ينفراقۇرىلىمدىق دامۋ ۆيتسە-ءمينيسترى ەركەبۇلان داۋىلباەۆتىڭ ايتۋىنشا, قۇرىلىستاعى سمەتالىق قۇننىڭ وسۋىنە جول بەرمەۋ ءۇشىن جوبالاۋ-سمەتالىق قۇجاتتامادان پرايس-پاراقتار الىنىپ تاستالعان.
«سمەتالىق باعانىڭ قىمباتتاۋىنا جول بەرمەۋ ءۇشىن بىرىڭعاي سمەتالىق باعالاردىڭ جيناقتارى ازىرلەندى. بۇل ءوز كەزەگىندە سمەتالىق قۇجاتتامانى دايىنداۋ پروتسەسىن جەڭىلدەتىپ, ونىڭ ساراپتاۋ پروتسەسىن وڭتايلاندىرا تۇسەدى», دەدى ۆيتسە-مينيستر.
يدم ءباسپاسوزىنىڭ مالىمەتىنشە, مەملەكەت باسشىسىنىڭ تاپسىرماسىنا سايكەس قولايلى قوعامدىق كەڭىستىكتەر مەن ينفراقۇرىلىمدى قالىپتاستىرۋ ءۇشىن قالالاردى كەشەندى سالۋدىڭ ستاندارتتارى ازىرلەندى.
ايتولعان ءجۇنىسحان,
ل.ن. گۋميلەۆ اتىنداعى ەۇۋ