2023 جىلدىڭ 9 قاڭتارىنان باستاپ تايلاندقا ۇشاتىن 18 جاستان اسقان جولاۋشىلار كەمىندە ەكى دوزا مولشەرىندە تولىق ۆاكتسيناتسيلاۋ تۋرالى انىقتامانى الۋى ءتيىس, دەپ حابارلايدى Egemen.kz.
«18 جاستان اسقان جولاۋشىلار كەمىندە ەكى دوزا مولشەرىندە تولىق ۆاكتسيناتسيلاۋ تۋرالى انىقتامانى (ۆاكتسينانىڭ ەكىنشى كومپونەنتى ەلگە كەلگەنگە دەيىن كەمىندە 14 كۇن) الۋى ءتيىس. سونداي-اق تۋريست سوڭعى التى ايدان كەشىكتىرمەي (180 كۇن) دارىگەردەن الىنعان كوروناۆيرۋستان ايىعۋدى راستايتىن انىقتامانى نەمەسە ۆاكتسينالاۋدان بوساتۋ تۋرالى حات-نەگىزدەمەنى كورسەتۋى قاجەت. ۆاكتسينا الماعان جولاۋشى دارىگەردەن سەبەبىن كورسەتەتىن حات ۇسىنۋى كەرەك», دەپ حابارلادى «Air Astana» اۋە كومپانياسىنىڭ ءباسپاسوز قىزمەتىنەن.
ددۇ مەن تايلاندتىڭ قوعامدىق دەنساۋلىق ساقتاۋ مينيسترلىگى ماقۇلداعان ۆاكتسينالاردىڭ ءتىزىمىن مىنا سىلتەمە ارقىلى كورۋگە بولادى.
ايتا كەتسەك, تايلاندتا كوروناۆيرۋس جۇقتىرىپ الىپ, ءوز ەلىنىڭ تالاپتارى قايتۋعا رۇقسات بەرمەيتىن جولاۋشىلاردا كوروناۆيرۋستان ەمدەلۋ شىعىندارىن قاراستىراتىن مەديتسينالىق ساقتاندىرۋى بولۋى كەرەك. جۇمىس بويىنشا ساياحاتتاۋشىلار, ونىڭ ىشىندە ەكيپاج مۇشەلەرى بۇل تالاپتى ورىنداۋ ءۇشىن قابىلداۋشى جاقتان حات ۇسىنا الادى.
ۆاكتسيناتسيا مەن ساقتاندىرۋ تالابىنىڭ تاي پاسپورتى بارلارعا, سونداي-اق ترانزيتپەن ساياحاتتاۋشى جولاۋشىلارعا قاتىسى جوق. ولار باراتىن ەلىنىڭ تالابىن ساقتاۋى كەرەك.