ماڭعىستاۋ وبلىسىنىڭ اقتاۋ قالاسىنان 20 شاقىرىم جەردە, قاراكول كولىنىڭ جاعاسىندا اققۋلاردىڭ جاپپاي قىرىلۋى انىقتالدى. بۇل تۋرالى اۋىل شارۋاشىلىعى مينيسترلىگىنىڭ ۆەتەريناريالىق باقىلاۋ جانە قاداعالاۋ كوميتەتى حابارلادى, دەپ جازادى Egemen.kz.
ۆەدومستۆو حسبارلاعانداي, قاجەتتى سىنامالار الىنىپ, «ۆەتەريناريا جونىندەگى ۇلتتىق رەفەرەنتتىك ورتالىق» رمك-عا جىبەرىلدى. 2022 جىلعى 21 جەلتوقساندا (№ 1-S23R-14/B-18-05) ولگەن قۇستاردان قۇس تۇماۋىنا الىنعان پاتولوگيالىق ماتەريالدارى وڭ ناتيجە ناتيجە كورسەتتى.
كوميتەت شۇعىل شارالاردى جۇرگىزۋ جانە ءۇي قۇستارىنىڭ اراسىندا ينفەكتسيانىڭ تارالۋىنا جول بەرمەۋ ماقساتىندا رەسپۋبليكالىق قوردان قاۋىپ تونگەن ايماقتارداعى بارلىق ءۇي قۇستارىن ۆاكتسيناتسيالاۋ ءۇشىن 18 644 دوزا ۆاكتسينا ءبولدى. سونداي-اق وڭىرگە رەسپۋبليكالىق ەپيزووتياعا قارسى وتريادتىڭ ماماندارى جۇمىلدىرىلدى.
«جەرگىلىكتى اتقارۋشى ورگاندار جوعارى پاتوگەندى قۇس تۇماۋى بويىنشا تۇراقتى ەپيزووتيالىق جاعدايدى ساقتاۋ ماقساتىندا شارۋاشىلىق جۇرگىزۋشى سۋبەكتىلەر, ۆەتەريناريالىق دارىگەرلەر, اڭشىلار, قورىقشىلار, تۇرعىندار جانە باسقا دا مۇددەلى تۇلعالاردىڭ (قۇستارى بار) اراسىندا ءتۇسىندىرۋ جۇمىستارىن جۇرگىزەدى. قۇس فابريكالارى جابايى جانە سينانتروپتى قۇستاردىڭ جەم-سۋ قويمالارى مەن قۇستاردى ۇستايتىن عيماراتتارعا جاقىنداۋىنا جول بەرمەۋ ءۇشىن ۆەتەريناريالىق ءىس-شارالاردى كۇشەيتەدى», دەلىنگەن حابارلامادا.
بۇگىنگى تاڭدا رەسپۋبليكادا ءۇي قۇستارى اراسىنداعى قۇس تۇماۋى بويىنشا ەپيزووتيالىق جاعداي تۇراقتى.
بيىل قازاقستان اۋماعىندا 14930180 باس ءۇي قۇسىنا قۇستاردىڭ جوعارى پاتوگەندى تۇماۋىنا قارسى ۆاكتسيناتسيا جۇرگىزۋ جوسپارلانعان.