پەتروپاۆلدا كەلەر جىلى جول جوندەۋگە ءتورت ميلليارد تەڭگە بولىنەدى, دەپ حابارلايدى Egemen.kz.
سولتۇستىك قازاقستان وبلىسىنىڭ باسشىسى ايداربەك ساپاروۆ پەتروپاۆل قالاسىنىڭ جولدارىن رەتكە كەلتىرۋ قاجەتتىگىن ايتتى. ول 2023 جىلعا وبلىستىق بيۋدجەتتەن ءتورت ميلليارد تەڭگە بولىنەتىنىن ءمالىم ەتتى. قالا 2018 جىلى قازاقستان مەن رەسەي پرەزيدەنتتەرىنىڭ قاتىسۋىمەن وتەتىن شەكارالىق ىنتىماقتاستىق فورۋمىنا دايىندالىپ جاتقاندا جول جوندەۋ جۇمىستارىنا وسىنداي سوما العان.
«2018 جىلدان باستاپ جولدار اعىمداعى جانە ورتاشا جوندەۋمەن جوندەلدى. بارلىعى 400 ميلليون تەڭگەگە جۋىق قارجى ءبولىندى. ءبىز بيۋدجەتتى قارادىق, قالانى قولدادىق جانە وبلىستىق بيۋدجەتتەن جولدارعا بولىنەتىن قارجىنى 10 ەسەگە, ياعني ءتورت ميلليارد تەڭگەگە كوتەردىك. قالا اكىمى ۋادە ەتكەندەي, بۇل 17 كوشەگە جەتەدى. كەم دەگەندە 10 كوشە كۇردەلى جوندەۋدەن ءوتۋى كەرەك. بايىپتى كومپانيالار كەلىپ, ەڭ كوبى جارتى ايدا جۇمىستى اياقتاۋى كەرەك. ول ءۇشىن تەندەرلىك قۇجاتتامانى دايىنداعان كەزدە تەحنيكالىق شارتتارعا بايىپپەن قاراۋ كەرەك, قالىپتى مەردىگەر ۇيىم جۇمىس ىستەپ, كەستەدەن اۋىتقىماۋ كەرەك. مەن بۇل ماسەلەنى باقىلاۋدا ۇستايمىن», دەدى ا.ساپاروۆ.
ول قالا شەتىندەگى جولداردى تىم بولماسا مارشرۋتتىق جولمەن جوندەۋ قاجەتتىگىن اتاپ ءوتتى. قوسىمشا قارجى بولۋگە ۋادە بەردى.