كەشە استانادا عىلىم جانە جوعارى ءبىلىم مينيسترلىگى ءتىل ساياساتى كوميتەتىنىڭ تاپسىرىسىمەن ء«تىل شەبەرى-2022» رەسپۋبليكالىق بايقاۋى ءوتتى, دەپ حابارلايدى Egemen.kz.
ءداستۇرلى شارا جىل سايىن جاھاندىق وركەنيەت پەن ەلىمىزدىڭ دامۋ باعىتىنا ساي ءۇش ءتىلدى – قازاق, ورىس جانە اعىلشىن تىلدەرىن جەتىك مەڭگەرگەن, جان-جاقتى ءبىلىمدى, ءوز سالاسىنىڭ كاسىبي مامانى تانىلعان مەملەكەتتىك قىزمەتشىلەر اراسىندا ۇيىمداستىرىلىپ كەلەدى. بايقاۋدىڭ ماقساتى - قازاق, ورىس, اعىلشىن تىلدەرىن جەتىك مەڭگەرگەن مەملەكەتتىك قىزمەتشىلەردىڭ پۋلىن قۇرۋ, ولاردى قولداۋ, ناسيحاتتاۋ, مارتەبەسىن كوتەرۋ.
شاراعا استانا قالاسىندا ورنالاسقان مەملەكەتتىك ورگانداردان 3 مەملەكەتتىك قىزمەتشىلەردەن تۇراتىن بارلىعى 14 توپتان قۇرالعان 42 ۇمىتكەر قاتىستى.
بايقاۋدا عىلىم جانە جوعارى ءبىلىم مينيسترلىگى ءتىل ساياساتى كوميتەتى توراعاسىنىڭ ورىنباسارى ابزالبەك عابيت مۇحامەدجان ۇلى قۇتتىقتاۋ سوزبەن اشىپ, قاتىسۋشىلارعا ساتتىلىك تىلەدى.
بايقاۋ شارتىنا ساي قاتىسۋشىلار «ەلتانىم», ء«سوزتانىم», «ويتانىم» كەزەڭدەرى بويىنشا باق سىنادى. ولاردىڭ ءۇش ءتىلدى مەڭگەرۋ دەڭگەيى مەن تىلدىك نورمانى ساقتاۋى, ورفوگرافيالىق جانە ورفوەپيالىق ساۋاتتىلىقتارى باعالاندى. جەڭىمپازدى فيلولوگيا عىلىمدارىنىڭ كانديداتى, قازاقستان جازۋشىلار وداعىنىڭ مۇشەسى, ىلەسپە اۋدارماشى الپەيىسوۆا كامال ابىلقاسىمقىزى توراعالىق ەتكەن ارنايى قۇرىلعان قازىلار القاسى انىقتادى.
قازىلار القاسى مۇشەلەرىنىڭ ورتاق شەشىمى بويىنشا قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ كومانداسى باس جۇلدە يەگەرى اتاندى.
ءى ورىندى قازاقستان رەسپۋبليكاسىنىڭ قارجى مونيتورينگى اگەنتتىگىنىڭ كومانداسى;
ءىى ورىندى قازاقستان رەسپۋبليكاسى اقپارات جانە قوعامدىق دامۋ مينيسترلىگى, قازاقستان رەسپۋبليكاسىنىڭ تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى كوماندالارى;
ءىىى ورىندى قازاقستان رەسپۋبليكاسىنىڭ جوعارى اۋديتورلىق پالاتاسى, قازاقستان رەسپۋبليكاسى ادىلەت مينيسترلىگى جانە قازاقستان رەسپۋبليكاسى مەملەكەتتىك كۇزەت قىزمەتى كوماندالارى يەلەندى.
بارلىق قاتىسۋشىلار عىلىم جانە جوعارى ءبىلىم مينيسترلىگى ءتىل ساياساتى كوميتەتى توراعاسىنىڭ العىس حاتىمەن, ء«تىل شەبەرى-2022» ديپلومىمەن جانە اقشالاي سىيلىقتارمەن ماراپاتتالدى.