ۇكىمەتتىڭ كەڭەيتىلگەن وتىرىسىندا پرەمەر-مينيستر ءاليحان سمايىلوۆ قازاقستانعا شەتەلدىك كاپيتال تارتۋ جونىندەگى جۇمىس تۋرالى باياندادى, دەپ حابارلايدى Egemen.kz.
الداعى 7 جىلدا كەمىندە $150 ملرد تىكەلەي شەتەلدىك ينۆەستيتسيا تارتۋ جۇمىستارى جۇرگىزىلىپ جاتىر.
ماسەلەن, I جارتىجىلدىقتىڭ قورىتىندىسى بويىنشا $14,5 ملرد تىكەلەي ينۆەستيتسيا تارتىلدى, بۇل وتكەن جىلدىڭ سايكەس كەزەڭىمەن سالىستىرعاندا 28%-عا ارتىق.
«131 مىڭ جاڭا جۇمىس ورنىن قۇرۋدى كوزدەيتىن 30 ترلن تەڭگەگە 850 ينۆەستيتسيالىق جوبانىڭ جالپىۇلتتىق پۋلىمەن جۇمىس جۇرگىزىلۋدە. وسى جىلدىڭ قورىتىندىسى بويىنشا 18,5 مىڭ جۇمىس ورنىن قۇرا وتىرىپ, 2 ترلن تەڭگەگە 190 جوبا پايدالانۋعا بەرىلەدى», دەدى ول.
سونداي-اق پرەمەر-مينيستر قازاقستانعا بىرقاتار شەتەلدىك كاسىپورىندى كوشىرۋ بويىنشا جۇمىستار جۇرگىزىلىپ جاتقانىن ايتتى. بۇگىنگى تاڭدا 19 كومپانيا كوشىرىلدى, ال باسقالارى بويىنشا بۇل ماسەلە پىسىقتالۋدا.