ەرىكتىلەردىڭ كومەگىنىڭ ارقاسىندا 6 جەلتوقسان كۇنى تاڭەرتەڭ الماتىدا جوعالىپ كەتكەن 9 جاستاعى وقۋشى امان-ەسەن تابىلدى, دەپ حابارلادى Egemen.kz Polisia.kz-كە سىلتەمە جاساپ.
– قىز تروللەيبۋستان تابىلدى. ول كۇنى بويى قوعامدىق كولىكتە جۇرگەن بولۋى دا مۇمكىن. ءبىز باسقا جاعدايلاردى مىندەتتى تۇردە انىقتايمىز. ەڭ باستىسى – بالادا ءبارى جاقسى. پاترۋلدىك پوليتسيا قىزمەتكەرلەرى ونى اتا-اناسىنا تاپسىردى. الماتى قالاسىنىڭ پوليتسياسى قىزدى تابۋعا جان-جاقتى كومەك كورسەتكەن قامقور ازاماتتارعا شەكسىز العىسىن بىلدىرەدى, – دەدى الماتى قالاسى پد جپقب يۋۆەنالدى پوليتسيانىڭ باستىعى جاننا شونجانوۆا.
وقۋشى قىزدى ىزدەۋگە بارلىق پوليتسيا جاساقتارى, ۇلتتىق ۇلان ساربازدارى, ەرىكتىلەر جانە تۇرعىندار جۇمىلدىرىلدى.