بيىل مەكتەپكە دەيىنگى تاربيە مەن وقىتۋدىڭ جاڭا مەملەكەتتىك ستاندارتى مەن ۇلگىلىك باعدارلاماسى قابىلداندى, دەپ حابارلايدى Egemen.kz وقۋ-اعارتۋ مينيسترلىگىنىڭ ءباسپاسوز قىزمەتىنە سىلتەمە جاساپ.
«وسىعان دەيىنگى ستاندارتتا بالالاردى تاربيەلەۋ مەن وقىتۋدا شەكتەۋ قويۋ, بەلسەندى ويىندارعا ۋاقىتتىڭ جەتكىلىكسىزدىگى, پارتادا ۇزاق وتىرۋ باسىم بولعانىن اتاپ وتكىم كەلەدى. جاڭا ستاندارت مەكتەپكە دەيىنگى ۇيىمدارعا ىڭعايلى بولۋعا, قۇندىلىقتار مەن قۇزىرەتتىلىكتەردى دامىتۋعا جانە جاس بالالار ءۇشىن تابيعي ويىن ۇلگىسىن كەڭىنەن قولدانۋعا باعىتتالعان. بۇل تاۋەلسىزدىك جىلدارىنداعى مەكتەپكە دەيىنگى ءبىلىم بەرۋ مازمۇنىن تۇبەگەيلى وزگەرتەتىن ەڭ ۇلكەن رەفورما دەپ ايتۋعا بولادى», دەدى وقۋ-اعارتۋ ءمينيسترى اسحات ايماعامبەتوۆ.