قر ءىىم كريمينالدىق پوليتسيا دەپارتامەنتى كيبەرقىلمىسقا قارسى كۇرەس ورتالىعىنىڭ باسشىسى جاندوس ءسۇيىنباي 2022 جىلى ورىن العان الاياقتىق تۋرالى باياندادى, دەپ حابارلايدى Egemen.kz.
«بۇگىندە اقپاراتتىق تەحنولوگيالار ءاربىر ادامنىڭ ومىرىنە مىقتاپ ەندى. وكىنىشكە قاراي, كيبەرقىلمىس, سونىڭ ىشىندە ينتەرنەت پايدالانۋشىلارعا قاتىستى الاياقتىق فاكتىلەرى دە جيىلەپ كەتتى», دەدى جاندوس ءسۇيىنباي ورتالىق كوممۋنيكاتسيالار قىزمەتىندە وتكەن بريفينگتە.
ونىڭ ايتۋىنشا, جىل باسىنان بەرى 18 مىڭنان استام قىلمىس تىركەلگەن. بۇل وتكەن جىلمەن سالىستىرعاندا تومەن كورسەتكىش.
«الاياقتاردىڭ ارەكەتى سالدارىنان جىل باسىنان بەرى قازاقستاندىقتارعا 15 ميلليارد تەڭگەدەن استام شىعىن كەلتىرىلگەن», دەپ تۇيىندەدى سپيكەر.