بيىل كۇنباعىس تۇقىمىنا ارنالعان ەگىس القابى 1 ملن گەكتارعا دەيىن ۇلعايدى. بۇل تۋرالى اۋىل شارۋاشىلىعى مينيسترلىگىنىڭ ءباسپاسوز قىزمەتى حابارلادى, دەپ جازادى Egemen.kz.
ەگىن جيناۋ اياقتاۋعا جاقىن, بۇگىنگى كۇنى فەرمەرلەر بۇل داقىلدىڭ ەگىس القاپتارىنىڭ 96%-ىن جيناپ, شامامەن 1,2 ميلليون توننا كۇنباعىس باستىردى. ايتا كەتسەك, بۇل وتكەن جىلعى كورسەتكىشتەن 2 ەسە كوپ.
سونداي-اق ەلىمىزدە كۇنباعىس مايىن ءوندىرۋ كولەمى دە ءوسىپ كەلەدى. بيىلعى جىلدىڭ قىركۇيەگىنە قاراي كاسىپورىندار 352,3 مىڭ توننا شىعاردى, بۇل 2021 جىلدىڭ سايكەس كەزەڭىنەن 46,3%-عا ارتىق.
ۆەدومستۆو وكىلدەرى اتاپ وتكەندەي, وتاندىق كۇنباعىس مايىنىڭ ءبىر بولىگى ەكسپورتقا شىعارىلادى. ماسەلەن, 2022 جىلدىڭ باسىنان باستاپ شەتەلگە 173,1 مىڭ توننا ءونىم ساتىلدى, بۇل وتكەن جىلمەن سالىستىرعاندا 2,7 ەسە كوپ.