23 قاراشادا ەكولوگيا سالاسىنداعى سىبايلاس جەمقورلىق تاۋەكەلدەرىن تالداۋ ناتيجەلەرى ايتىلعان كەڭەس بارىسىندا باس ەكولوگتىڭ وتباسى الاياقتىق جاسادى دەپ ايىپتالعانى بەلگىلى بولدى. ءىس سوتتا قارالادى, دەپ حابارلايدى Egemen.kz.
شقو سىبايلاس جەمقورلىققا قارسى قىزمەتىنىڭ اقپاراتى بويىنشا, شەنەۋنىك ەكولوگيالىق زاڭنامانى بۇزعان ادامدى اراشالاۋ ءۇشىن اقشا الدى دەپ ايىپتالۋدا.
ءىس قر قك 190-بابىنىڭ 2, 4-تارماقتارى (مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن ادام نە وعان تەڭەستىرىلگەن ادام, نە لاۋازىمدى ادام نە جاۋاپتى مەملەكەتتىك لاۋازىمدى اتقاراتىن ادام, ەگەر ول ءوزىنىڭ قىزمەتتىك جاعدايىن پايدالانۋمەن ۇشتاسقان بولسا, بىرنەشە رەت جاساعان الاياقتىق) بويىنشا تىركەلدى.