20 قاراشا ساعات 7:00-دەگى جاعداي بويىنشا قازاقستان رەسپۋبليكاسى پرەزيدەنتىن سايلاۋعا شەتەلدەگى سايلاۋ ۋچاسكەلەرىن قوسقاندا بارلىعى 8 162 نۇكتەدە داۋىس بەرۋ باستالدى, دەپ حابارلايدى Egemen.kz.
ساعات 7.15-تەگى جاعداي بويىنشا ەلىمىزدە 8150 ۋچاسكە داۋىس بەرۋگە كىرىستى. سونداي-اق 11 مەملەكەتتەگى 12 سايلاۋ ۋچاسكەلەرىندە داۋىس بەرۋ باستالدى. 86 ۋچاسكەدە اۋماقتىق كوميسسيالاردىڭ قابىلداعان شەشىمدەرىنە سايكەس داۋىس بەرۋ تاڭعى ساعات 6.00-دە باستالعان.
«قازاقستان رەسپۋبليكاسىنىڭ اۋماعىنداعى ۋاقىت بەلدەۋلەرىنىڭ شەكارالارىنا سايكەس 5 ءوڭىردىڭ: اقتوبە, اتىراۋ, باتىس قازاقستان, قىزىلوردا جانە ماڭعىستاۋ وبلىستارىنىڭ ۋچاسكەلەرى ەلوردا ۋاقىتى بويىنشا ساعات 08.00-دە داۋىس بەرۋگە كىرىسەدى. تىزىمگە ەنگىزىلگەن ازاماتتاردىڭ سانى - 11 ملن 950 مىڭ 485. ۋچاسكەلىك كوميسسيالار ازاماتتاردىڭ جازباشا وتىنىشتەرى بويىنشا داۋىس بەرۋ قۇقىعىن بەرەتىن بارلىعى 22578 ەسەپتەن شىعارۋ كۋالىگىن بەردى», دەدى قر وسك توراعاسىنىڭ ورىنباسارى ك. پەتروۆ.
ايتا كەتەيىك, رەسپۋبليكادا داۋىس بەرۋگە ارنالعان 10 101 ۋچاسكە بار. ونىڭ ىشىندە قازاقستان رەسپۋبليكاسىنىڭ شەت مەملەكەتتەردەگى وكىلدىكتەرىندە 53 ەلدە 68 ۋچاسكە جۇمىس ىستەيدى.