يندۋستريا جانە ينفراقۇرىلىمدىق دامۋ مينيسترلىگىندە «اشىق ساعات الاڭىندا» قۇرىلىس ىستەرى جانە تۇرعىن ءۇي-كوممۋنالدىق شارۋاشىلىق كوميتەتىنىڭ وكىلدەرى ZOOM ارقىلى بيزنەس قاۋىمداستىقپەن پىكىر الماستى, دەپ حابارلايدى Egemen.kz.
قۇرىلىس ىستەرى جانە تۇرعىن ءۇي-كوممۋنالدىق شارۋاشىلىق كوميتەتى توراعاسىنىڭ ورىنباسارى باقىتجان جۇنىسبەكوۆ اگلومەراتسيالاردى دامىتۋ ماسەلەلەرىنە بايلانىستى قازاقستان رەسپۋبليكاسىنىڭ كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزىلگەنىن ايتتى. تۇتاستاي العاندا, «اگلومەراتسيالاردى دامىتۋ تۋرالى» زاڭ اگلومەراتسيالاردى دامىتۋ سالاسىنداعى قوعامدىق قاتىناستاردى رەتتەپ, ەلىمىزدە اگلومەراتسيالاردى قالىپتاستىرۋ جانە ولاردىڭ جۇمىس ىستەۋىنە قۇقىقتىق ءارى ۇيىمداستىرۋشىلىق جاعدايلاردى جاساۋعا باعىتتالىپتى.
سونداي-اق ول قازىر قالالىق قۇرىلىسى كودەكسى ازىرلەنىپ جاتقانىن, ونىڭ ىشىندە قوعامدىق تىڭداۋلار وتكىزۋ قاعيدالارى قاراستىرىلاتىنىن جەتكىزدى. ەستەرىڭىزگە سالساق, مەملەكەت باسشىسى ۇكىمەتكە قالا قۇرىلىسى كودەكسىن دايىنداپ, قابىلداۋدى تاپسىرعان بولاتىن. وسى ارقىلى ءار قالاداعى جەر ۋچاسكەلەرىنىڭ فۋنكتسيونالدى ينتەراكتيۆتى كارتالارى مەن كوممۋنالدىق جەلىلەردىڭ سۇلباسى جاسالادى. وسىعان بايلانىستى جەر كاداسترىندا ونەركاسىپتىك ماقساتتاعى ۋچاسكەلەردىڭ كارتالارى كولىك جانە كوممۋنالدىق ينفراقۇرىلىمنىڭ وزەكتى سۇلبالارىمەن تولىقتىرىلادى. بۇل ورايدا قۇرامىنا عىلىمي ينستيتۋتتار مەن بيزنەس قاۋىمداستىق وكىلدەرىنەن تۇراتىن جۇمىس توبى قۇرىلاتىنىن ايتا كەتكەن ءجون.
ونلاين كەزدەسۋدە قاتىسۋشىلار ساۋلەت جانە قالا قۇرىلىسىنىڭ وزەكتى ماسەلەلەرىن كوتەردى. ايتالىق, قازاقستان قۇرىلىسشىلارى قاۋىمداستىعى مەن قازاقستان جوبالاۋشىلارىنىڭ رەسپۋبليكالىق وداعىنىڭ وكىلدەرى قالالىق قۇرىلىسى جوباسى شەڭبەرىندە قوعامدىق تىڭداۋلار وتكىزۋگە قاتىستى سۇراق قويدى.
ءوز كەزەگىندە ساۋلەت, قالا قۇرىلىسى جانە قالالىق قۇرىلىس كاداسترى باسقارماسىنىڭ باس مامانى قۇلان ق ۇلىشەۆ قازىر قالالارداعى قۇرىلىستىڭ تىعىزدىعىنا بايلانىستى قۇرىلىس جۇرگىزۋدى ۇيىمداستىرۋدىڭ ەرەجەلەرىنە وزگەرىستەر ەنگىزىلگەنىن جەتكىزدى.
ايتا كەتۋ كەرەك, يندۋستريا جانە ينفراقۇرىلىمدىق دامۋ مينيسترلىگىندە قالالاردى كەشەندى سالۋ ستاندارتى ازىرلەندى. جوبانى ازىرلەۋ مەملەكەت باسشىسىنىڭ تاپسىرماسى اياسىندا حالىقارالىق تاجىريبەنى ەسكەرە وتىرىپ, حالىقتىڭ ءومىر ءسۇرۋ ساپاسىن ارتتىرۋ ماقساتىندا قولعا الىندى. سپيكەرلەردىڭ ايتۋىنشا, قۇرىلىس تىعىزدىعى مەن نىسانداردىڭ بەيبەرەكەت سالۋ ماسەلەسى تاياۋ ارادا ۇمىتىلادى.