قر ورتالىق سايلاۋ كوميسسياسىنىڭ مۇشەسى كونستانتين پەتروۆ كەزەكتەن تىس پرەزيدەنت سايلاۋىندا ءبىرىنشى رەت داۋىس بەرەتىن سايلاۋشىلارعا سىيلىق قاراستىرىلماعانىن ايتتى. ياعني بۇل ماقساتتا قاراجات بولىنبەگەن, دەپ جازادى Egemen.kz.
ونىڭ ايتۋىنشا, ورتسايلاۋكوم تاراپىنان مۇنداي سىيلىقتارعا ەشقانداي قاراجات قاراستىرىلماعان. دەسە دە پەتروۆ باق وكىلدەرىنە ءوزىنىڭ العاش رەت سايلاۋعا قاتىسقاندا قانداي سىيلىق العانى تۋرالى ايتىپ بەردى.
«العاش رەت 18 جاسىمدا داۋىس بەرگەنىم ءالى دە ەسىمدە. ونىڭ ۇستىنە 18-گە تولعانىما 3-4 كۇن وتكەننەن كەيىن داۋىس بەردىم. سايلاۋشىلار تىزىمىندە بولدىم جانە ماعان تەلەفون نومىرلەرىن جازۋعا ارنالعان قويىنداپتەر سىيلاعان ەدى. كادەسىيعا كەلەر بولساق, ءوزىنىڭ سايلاۋشىلارىن بىلەتىن قانداي دا ءبىر سايلاۋ كوميسسياسى توسىنسىي جاساۋى مۇمكىن. ورتالىقتاندىرىلعان بيۋدجەت وندايعا قاراستىرىلماعان. سايلاۋ كوميسسيالارى جەكە باستاما جاساۋى مۇمكىن ءارى مۇنداي باستاما مىندەتتى ەمەس», دەدى قر ورتالىق سايلاۋ كوميسسياسىنىڭ مۇشەسى.