ەلىمىزدەگى بىرقاتار مادەني شارا تۇركسوي دەڭگەيىندە وتەدى

مادەنيەت جانە سپورت مينيسترلىگى تۇركسوي تۇراقتى كەڭەسىنىڭ ءحححىح وتىرىسى بارىسىندا حالىقارالىق ۇيىمعا مۇشە مەملەكەتتەرمەن وسىنداي كەلىسىمگە كەلدى.

ايتا كەتەيىك, مۇنداي ۇسىنىستى مينيستر داۋرەن اباەۆقا حالىقپەن كەزدەسۋلەر بارىسىندا ەل ازاماتتارى جەتكىزگەن بولاتىن. وتىنىشتەر قاراستىرىلىپ, مادەنيەت كوميتەتىنە ءتيىستى تاپسىرمالار بەرىلگەن ەدى.

«مينيسترلىك الداعى ۋاقىتتا بىرنەشە ءىس-شارانى تۇركسوي ۇيىمىمەن بىرلەسىپ وتكىزۋگە نيەتتى. سولاردىڭ قاتارىندا ماتەريالدىق ەمەس مادەني مۇرالاردى ناسيحاتتاۋ بويىنشا «KYMYZFEST» فەستيۆالىن ەرەكشە اتاپ ءوتۋ قاجەت. ءبىز قازاق كينولارىنا دا حالىقارالىق دەڭگەيدە قولداۋ كورسەتكىمىز كەلەدى. سونداي-اق تۇركى حالىقتارىنىڭ ورتاق تاريحىن ەسكەرە وتىرىپ, سيمۆوليزم مەن گەرالديكالىق ەلەمەنتتەردى زەرتتەۋ بويىنشا جۇمىستار جۇرگىزەتىن بولامىز. قازاقستان تاراپىنان ايتىلعان ۇسىنىستاردىڭ ءبارى باۋىرلاس حالىقتاردىڭ باي تاريحىن تەرەڭىرەك تۇسىنۋگە, سونداي-اق تۇركىتىلدەس مەملەكەتتەر اراسىنداعى قارىم-قاتىناستى نىعايتۋعا نەگىز بولادى», دەدى قر مسم مادەنيەت كوميتەتىنىڭ توراعاسى روزا كارىبجانوۆا.

ول بۋرسا قالاسىندا ءوتىپ جاتقان تۇركسوي تۇراقتى كەڭەسىنىڭ ءحححىح وتىرىسىنا قازاقستان اتىنان قاتىسىپ جاتىر.

كەڭەس وتىرىسى بارىسىندا تۇركى الەمىنىڭ مادەني بايلانىستارىن ارتتىرۋعا باعىتتالعان ەكىجاقتى كەزدەسۋلەر دە وتۋدە. بۇل رەتتە قازاقستان, ازەربايجان, وزبەكستان, تۇرىكمەنستان ەلدەرىمەن ورتاق جوبالاردى تالقىلاپ جاتىر.

ايتا كەتەيىك, بيىل باسقوسۋ بۋرسا قالاسىندا ۇيىمداستىرىلدى. بۇل قالا بۇعان دەيىن تۇركى الەمىنىڭ 2022 جىلعى مادەني استاناسى رەتىندە تانىلعان بولاتىن. جيىن قورىتىندىسى بويىنشا تۇركى الەمىنىڭ 2023 جىلعى مادەني استاناسى بولىپ ازەربايجاننىڭ شۋشا شاھارى جاريالاندى.

قازىر تۇركيادا تاعى ءبىر اۋقىمدى ءىس-شارا - «قورقىت اتا» كينوفەستيۆالى وتۋدە. ونىڭ اياسىندا قازاقستاننىڭ كينو كۇندەرى ۇيىمداستىرىلىپ, تۇرىك ازاماتتارى « ۇلى دالا تاڭى», «مۇزبالاق», «دوس-مۇقاسان», «مۇقاعالي» فيلمدەرىن تاماشالاپ جاتىر.