مەملەكەت باسشىسى قاسىم-جومارت توقاەۆ ەۋروپالىق كەڭەستىڭ پرەزيدەنتى شارل ميشەلمەن كەلىسسوز جۇرگىزدى, دەپ حابارلايدى Egemen.kz اقوردانىڭ رەسمي سايتىنا سىلتەمە جاساپ.
كەزدەسۋ بارىسىندا قاسىم-جومارت توقاەۆ شارل ميشەلگە ءىلتيپات بىلدىرە وتىرىپ, ەۋروپالىق وداقپەن ستراتەگيالىق سەرىكتەستىكتى دامىتۋ ارقاشان قازاقستاننىڭ باستى سىرتقى ساياسي باسىمدىقتارىنىڭ ءبىرى بولعانىن اتاپ ءوتتى. ء«سىزدىڭ ساپارىڭىز قازاقستان مەن ەۋروپالىق وداق اراسىنداعى سەرىكتەستىكتىڭ بارلىق سالاسىندا قول جەتكىزگەن ماڭىزدى جەتىستىكتەردى ايتۋعا جاقسى مۇمكىندىك بەرەدى. كەلەسى جىلى مەرەيلى داتانى – ديپلوماتيالىق قارىم-قاتىناستاردىڭ 30 جىلدىعىن اتاپ وتەمىز. ءسىزدىڭ قازاقستانعا رەسمي ساپارىڭىز ءوزارا قارىم-قاتىناسىمىزدى جاڭا دەڭگەيگە كوتەرۋگە مۇددەلى ەكەنىمىزدى بىلدىرەدى», دەدى قاسىم-جومارت توقاەۆ.
مەملەكەت باسشىسى قازاقستان ەۋروپالىق وداقپەن كەڭەيتىلگەن سەرىكتەستىك جانە ىنتىماقتاستىق تۋرالى كەلىسىمگە قول قويعان ورتالىق ازياداعى العاشقى ەل ەكەنىن نازارعا الدى.
قازاقستان پرەزيدەنتىنىڭ ايتۋىنشا, جوعارى دەڭگەيدەگى تۇراقتى بايلانىستار قازاقستان مەن ەۋرووداق اراسىنداعى جان-جاقتى ديالوگتى دامىتۋعا ۇلەس قوسادى. ءوز كەزەگىندە ەۋروپالىق كەڭەس پرەزيدەنتى شارل ميشەل قاسىم-جومارت توقاەۆقا قوناقجايلىلىعى ءۇشىن العىس ايتىپ, قازاقستان مەن ەو اراسىنداعى ىنتىماقتاستىقتىڭ قارقىندى دامىپ كەلە جاتقانىنا كوڭىلى تولاتىنىن جەتكىزدى.ء«بىز العاش بريۋسسەلدە كەزدەستىك. سودان بەرى تىعىز بايلانىس ورناتىپ, ءتۇرلى سالادا جۇمىس ىستەپ كەلەمىز. وڭىرلىك دەڭگەيدە بىرلەسكەن جۇمىس جۇرگىزۋ ماڭىزدى. سىزبەن ىنتىماقتاستىعىمىزدىڭ وزەكتى ماسەلەلەرىن, سونىڭ ىشىندە كليماتتىڭ وزگەرۋىنە قاتىستى ماسەلەنى تالقىلاۋ ماقساتىمەن كەزدەسكەنىمە قۋانىشتىمىن», دەدى شارل ميشەل.
كەزدەسۋدە تاراپتار ەنەرگەتيكا جانە ازىق-ت ۇلىك قاۋىپسىزدىگى, «جاسىل» ەكونوميكانى دامىتۋ, كولىك جانە لوگيستيكا ماسەلەلەرىن جان-جاقتى تالقىلادى. سونىمەن قاتار ولار ورتالىق ازيا – ەۋروپالىق وداق فورماتىنداعى ىنتىماقتاستىقتى دامىتۋ ماسەلەلەرى جونىندە پىكىر الماستى.