بۇگىن ساعات 18:00-دەن كەيىن قازاقستان رەسپۋبليكاسى پرەزيدەنتتىگىنە كانديدات قاراقات ابدەندى قولداۋ شتابى ءوز جۇمىسىن باستادى, دەپ حابارلايدى Egemen.kz.
«قازاقستان رەسپۋبليكاسى پرەزيدەنتتىگىنە كانديدات قاراقات ابدەننىڭ شتابى ىسكە قوسىلدى. الدىمەن ۇيىمداستىرۋ كوميتەتىنىڭ وتىرىسىن وتكىزدىك. بۇيرىقتار بەرىلدى. ەلىمىزدىڭ 20 وڭىرىندە شتابىمىز جۇمىسقا دايىن. بارلىق دايىندىق جۇمىستارى جۇرگىزىلدى. ۇگىت ماتەريالدارىن دايىنداۋ. قازىر استاناداعى شتابتا 10-عا جۋىق ادام جۇمىس ىستەيدى», دەدى شتاب باسشىسىنىڭ ورىنباسارى بەرىك تورەبەكوۆ.
ۇمىتكەر قاراقات ابدەندى قولداۋ شتابى رەسمي سايت اشتى. الەۋمەتتىك جەلىلەردە اككاۋنتتار جۇمىس ىستەيدى, وندا شتابتىڭ وتكىزگەن ءىس-شارالارى, سايلاۋشىلارمەن كەزدەسۋلەر جانە باسقا دا ۇگىت ماتەريالدارى تۋرالى بارلىق اقپارات ورنالاستىرىلادى.