بۇگىن «اۋىل» حالىقتىق-دەموكراتيالىق پارتياسىنان قازاقستان رەسپۋبليكاسى پرەزيدەنتتىگىنە كانديدات جيگۋلي دايراباەۆتىڭ رەسپۋبليكالىق شتابى اشىلدى, دەپ حابارلايدى Egemen.kz.
شتاب باسشىسى تولەۋتاي راحىمبەكوۆتىڭ ايتۋىنشا, قازاقستاننىڭ بارلىق ەلدى مەكەندەرىن, اتاپ ايتقاندا 88 قالانى, 30 ەلدى مەكەندى, بارلىق 20 وبلىستا ورنالاسقان 6 مىڭنان استام اۋىلدىق ەلدى مەكەندەردى قامتۋ جوسپارلانۋدا.
ء«بىزدىڭ كانديدات پەن سەنىمدى وكىلدەردىڭ ساپارلارى «ۇيمە-ءۇي» فورماتىندا وتەدى. بارلىق ءىس-شارالار ۋاقىتىلى جۇرگىزىلەدى», دەدى تولەۋتاي راحىمبەكوۆ.
ونىڭ ايتۋىنشا, رەسپۋبليكانىڭ بارلىق 20 وبلىسىندا, ونىڭ ىشىندە رەسپۋبليكالىق ماڭىزى بار ءۇش قالادا كانديدات جيگۋلي دايراباەۆتى قولداۋعا ارنالعان شتابتار جۇمىس ىستەيدى. وبلىستىق دەڭگەيدەگى 164 اۋىلدىق وكرۋگ پەن 37 قالادا 222 شتاب قۇرىلدى. قوعامدىق شتابتار ۇگىت-ناسيحات جۇمىستارىن جۇرگىزۋگە قاجەتتىنىڭ بارىمەن قامتاماسىز ەتىلگەن.