بۇل تۋرالى مەملەكەت باسشىسى قاسىم-جومارت توقاەۆ الماتى وبلىسى جۇرتشىلىعىمەن كەزدەسۋىندە ايتتى, دەپ حابارلايدى Egemen.kz.
ء«بىز بىرلەسە وتىرىپ, قوناەۆ قالاسىن ماڭىزدى ءارى تارتىمدى وبلىس ورتالىعىنا اينالدىرامىز. ۇكىمەتكە وسى ماسەلەلەردى شەشۋدە اكىمدىككە قولداۋ كورسەتۋدى تاپسىرامىن. وبلىس ورتالىعىن قوناەۆقا كوشىرۋ, جۇمىس ورىندارىن اشۋ, تۇرعىن ءۇي قورىن ۇلعايتۋ, ينفراقۇرىلىمدى دامىتۋ, كوشەلەردى اباتتاندىرۋ جوسپارىن جۇزەگە اسىرۋعا مۇمكىندىك بەرەدى», دەدى پرەزيدەنت.
سونداي-اق وڭىردە اكىمشىلىك عيماراتتار, تۇرعىن ۇيلەر, اۋرۋحانالار, مەكتەپتەر, بالاباقشالار, مادەنيەت جانە سپورت نىساندارى جاپپاي سالىنادى, ساناتوريالىق جانە كۋرورتتىق ايماقتار پايدا بولادى.
«وبلىس ورتالىعىن ەكولوگياسى تازا, ءومىر سۇرۋگە قولايلى «اقىلدى» قالا رەتىندە دامىتۋ قاجەت. جاڭا وبلىس ورتالىعىنا جاڭا باس جوسپار كەرەك. بۇر رەتتە قالانىڭ جاڭا مارتەبەسىن ەسكەرۋ ماڭىزدى», دەدى قاسىم-جومارت كەمەل ۇلى.