حالىققا قىزمەت كورسەتۋ ورتالىقتارىنا تۇسەتىن جۇكتەمەنى ازايتۋ ماقساتىندا شەتەل ازاماتتارىنا تسەنتركرەديت بانكى ارقىلى جسن الۋ بويىنشا مەملەكەتتىك قىزمەت كورسەتۋ تۋرالى شەشىم قابىلداندى. بۇگىنگە دەيىن بىرقاتار شەتەل ازاماتى ەكىنشى دەڭگەيلى بانك بولىمشەلەرىنەن جسن الىپ ۇلگەردى.
بۇعان دەيىن قىزمەتتى الۋ ءۇشىن رەزيدەنت ەمەس ازاماتتار ارنايى بولىنگەن كۇشەيتىلگەن حالىققا قىزمەت كورسەتۋ ورتالىقتارىنا جۇگىنەتىن. مەملەكەتتىك كورپوراتسيا قىزمەتكەرلەرىنە تۇسەتىن جۇكتەمەنى ازايتۋ ماقساتىندا ەكىنشى دەڭگەيلى بانكتەردە وسى قىزمەتتى الۋ مۇمكىندىگى ىسكە اسىرىلدى.
جسن-ءدى كەز كەلگەن شەتەل ازاماتى بيزنەس جۇرگىزۋ جانە قارجىلىق وپەراتسيالىق پروتسەستەر ءۇشىن الا الادى.
سونىمەن قاتار ۋاقىتتى ۇنەمدەۋ جانە حالىققا قىزمەت كورسەتۋ ورتالىقتارىندا كەزەكتەردى بولدىرماۋ ماقساتىندا مەملەكەتتىك كورپوراتسيا eGov.kz ەلەكتروندى ۇكىمەت پورتالى ارقىلى شەتەلدىكتەرگە كۇشەيتىلگەن حالىققا قىزمەت كورسەتۋ ورتالىقتارىندا كەزەكتى برونداۋ بويىنشا قوسىمشا قىزمەتتى ازىرلەدى.
شەتەلدىكتەر ءۇشىن حقو-دا كەزەكتى برونداۋعا ەلەكتروندىق ۇكىمەت پورتالىنىڭ باستى بەتىندە «شەتەلدىكتەر ءۇشىن حقو-دا كەزەكتى برونداۋ» قىزمەتىن تاڭداۋ, جەكە باسىن كۋالاندىراتىن قۇجاتتىڭ ءنومىرىن ەنگىزۋ, مەكەمەنىڭ اتاۋىن كورسەتۋ قاجەت. حقو, كەلۋ ماقساتى, كۇنى مەن ۋاقىتى بەلگىلەنەدى. ءساتتى برونداۋ كەزىندە شەتەلدىك ازامات كورسەتىلگەن ۋاقىتتان 15 مينۋت بۇرىن حقو-عا كەلىپ, قابىلداۋ بولىمىندە تولقۇجاتىن كورسەتىپ, كەزەك بيلەتىن الۋى قاجەت. ايتپاقشى, Telegram EgovKzBot2.0 بوتى ارقىلى ونلاين برونداۋ قىزمەتى دە ەنگىزىلگەن.
ەسكە سالايىق, شەتەلدىك ازاماتتارعا جسن الۋ ءۇشىن حقو-عا ەكىنشى رەت ورالۋ قاجەت ەمەس. دايىن قۇجات وتىنىشتە كورسەتىلگەن قازاقستاندىق تەلەفون نومىرىنە جىبەرىلەدى.