«اسار» ورالماندار قاۋىمداستىعى اتىنان ۇسىنىلعان حايرۋللا عابجاليلوۆ قازاقستان رەسپۋبليكاسى ورتالىق سايلاۋ كوميسسياسىنا كەزەكتەن تىس پرەزيدەنت سايلاۋىنا كانديدات رەتىندە تىركەلۋ ءۇشىن قۇجاتتارىن تاپسىردى, دەپ حابارلايدى Egemen.kz.
وسك حابارلاۋىنشا, ول «ورالمانداردىڭ «اسار» بىرلەستىگى» رەسپۋبليكالىق قوعامدىق بىرلەستىگىنىڭ جوعارى ورگانى وتىرىسىنىڭ قازاقستان رەسپۋبليكاسىنىڭ پرەزيدەنتتىگىنە كانديدات بولىپ ۇسىنۋ تۋرالى حاتتاماسىنان ءۇزىندىنى, قازاقستان رەسپۋبليكاسىنىڭ پرەزيدەنتتىگىنە كانديدات بولۋعا كەلىسىمى تۋرالى ومىرباياندىق دەرەكتەرى قوسا بەرىلگەن ءوتىنىشىن, قازاقستان رەسپۋبليكاسى ورتالىق سايلاۋ كوميسسياسىنىڭ شوتىنا سايلاۋ جارناسىنىڭ ەنگىزىلگەنىن كۋالاندىراتىن قۇجات ۇسىندى.
سونداي-اق جەكە باسىن كۋالاندىراتىن قۇجاتتىڭ كوشىرمەسى مەن جوعارى ءبىلىم تۋرالى ديپلومنىڭ كوشىرمەسى ۇسىنىلادى.
قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋى 2022 جىلدىڭ 20 قاراشاسىنا بەلگىلەندى.