الماتى وبلىسىنداعى كۇرە جولدىڭ بويىندا قار جاۋدى, دەپ حابارلايدى Egemen.kz «قازاۆتوجول» ءباسپاسوز قىزمەتىنە سىلتەمە جاساپ.
«10 قازاندا «كەگەن-نارىنقول» رەسپۋبليكالىق ماڭىزى بار كۇرە جول اۋماعىندا قار جاۋدى. «قازاۆتوجول» ۇك» اق جول قىزمەتتەرى ۋچاسكەنى تازارتۋ بويىنشا جەدەل شارالار قابىلدادى», دەپ جازىلعان حابارلامادا.
ال قار تازالاۋ جۇمىستارىنا ءۇش ارنايى تەحنيكا مەن 5 ادام جۇمىلدىرىلعان.
اۋا رايىنا بايلانىستى قوزعالىس شەكتەلگەن جوق. سونداي-اق جولدا قاۋىپسىزدىك شارالارى قامتاماسىز ەتىلدى.