قاسىم-جومارت توقاەۆتى قولداۋ جونىندەگى حالىقتىق كواليتسيا فورۋمىندا مەملەكەت باسشىسى ءسوز سويلەدى, دەپ حابارلايدى Egemen.kz پرەزيدەنتتىڭ ءباسپاسوز قىزمەتىنە سىلتەمە جاساپ.
ء«بىز جاڭا ساياسي داۋىرگە قادام باستىق. 20 قاراشادا كەزەكتەن تىس پرەزيدەنت سايلاۋى وتەدى. بۇل – بولاشاق دامۋ باعدارىمىزدى ايقىندايتىن اسا ماڭىزدى ناۋقان. ءتۇرلى قوعامدىق ۇيىمدارى ماعان وزدەرىنىڭ اتىنان سايلاۋعا ءتۇسۋ تۋرالى ۇسىنىس ءبىلدىردى. مەن بۇعان دەيىن مەملەكەت باسشىسى ەشبىر پارتياعا باسىمدىق بەرمەي, ساياسي تۇرعىدان بەيتاراپ بولۋ قاجەتتىگىن ايتتىم. وسى ۇستانىمىم وزگەرمەيدى», دەدى پرەزيدەنت.
وسى ورايدا مەملەكەت باسشىسى پرەزيدەنت سايلاۋىنا ءتۇسۋ ول ءۇشىن زور مارتەبە ءارى ۇلكەن جاۋاپكەرشىلىك ەكەنىن اتاپ ءوتتى
«ماعان سەنىم ارتقاندارىڭىز ءۇشىن بارشاڭىزعا ريزاشىلىعىمدى بىلدىرەمىن. كواليتسيادا باستى ساياسي پارتيالاردىڭ, قوعامدىق ۇيىمدار مەن قوزعالىستاردىڭ بولۋى وتە ماڭىزدى. سەبەبى, وندا بارلىق الەۋمەتتىك توپتار قامتىلعان», دەدى ق.توقاەۆ.