2022 جىلعى 26 قىركۇيەك پەن 8 قازان ارالىعىندا جامبىل, الماتى وبلىستارىندا ۇقشۇ-نىڭ ۇجىمدىق جەدەل دەن قويۋ كۇشتەرىنىڭ ء«وزارا ءىس-قيمىل-2022», «ىزدەۋ-2022», «ەشەلون-2022» وقۋ-جاتتىعۋلارى وتەدى, دەپ حابارلايدى Egemen.kz قورعانىس مينيسترلىگىنە سىلتەمە جاساپ.
«وسىعان بايلانىستى ەلىمىزگە ۇيىمعا مۇشە مەملەكەتتەردىڭ اسكەري كونتينگەنتتەرى كەلەدى. اسكەري تەحنيكانىڭ قوزعالىسى تەمىرجول, اۋە كولىكتەرىمەن جانە دوڭگەلەكتى تەحنيكامەن جۇزەگە اسىرىلادى», دەپ جازىلعان ۆەدومستۆو تاراتقان حابارلامادا.
مينيسترلىك وكىلدەرى ازاماتتاردى الەۋمەتتىك جەلىلەردە تارالاتىن ءتۇرلى قاۋەسەتتەرگە ەرمەۋگە, تەك رەسمي اقپارات كوزدەرىنە سەنۋگە شاقىردى.