بۇل تۋرالى پرەزيدەنت رەفورمالار جونىندەگى جوعارى كەڭەستىڭ كەزەكتى وتىرىسىندا ايتتى, دەپ حابارلايدى Egemen.kz.
«اۋىلداعى دەنساۋلىق ساقتاۋ سالاسىن جاڭعىرتۋ» جوباسىنىڭ الەۋمەتتىك ءمانى زور. ءبىز اۋىل تۇرعىندارىنىڭ 100 پايىزىن ساپالى العاشقى مەديتسينالىق كومەكپەن قامتاماسىز ەتۋ تۋرالى ايتىپ وتىرمىز. بۇل – مەملەكەت رەتىندە ءبىزدىڭ مىندەتىمىز. الايدا بۇل اتقارىلاتىن بارلىق جۇمىستىڭ ەڭ از بولىگى. سوندىقتان جوبانىڭ ەكىنشى كومپونەنتى – اۋىر دەرتكە شالدىققاندارعا جانە جاراقات العاندارعا ساپالى كومەك كورسەتۋ ۋاقىتىن قىسقارتۋعا مۇمكىندىك بەرەتىن كوپبەيىندى اۋرۋحانالاردىڭ قۇرىلىسىنا قاتىستى ماسەلە دە ماڭىزدى», دەدى مەملەكەت باسشىسى.
سونىمەن قاتار سوڭعى ۇلگىدەگى تەحنيكامەن جابدىقتالعان كوپبەيىندى اۋرۋحانالاردىڭ ۇلت دەنساۋلىعىنا قوساتىن ۇلەسى زور ەكەنىن اتاپ ءوتتى.
«التىن ساعات» قاعيداسىن بەكەر ۇستانبايدى – ناۋقاستى جابدىقتالعان اۋرۋحاناعا نەعۇرلىم تەز جەتكىزسە, ونىڭ ءومىرىن ساقتاپ قالۋعا سوعىرلىم مۇمكىندىك مول. بۇل باستاما قاناينالىم جۇيەسىنىڭ اۋرۋى سالدارىنان ادام شىعىنىن ازايتۋعا ايرىقشا ءتيىمدى اسەر ەتەدى دەپ ۇمىتتەنەمىز. ەلىمىزدەگى ازاماتتاردىڭ 35 پايىزى وسى اۋرۋدان كوز جۇمادى. قازاقستاندا ەىدۇ ەلدەرىمەن سالىستىرعاندا, ينسۋلت پەن ينفاركتتان 2 ەسە كوپ قايتىس بولادى. ءتىپتى, جاستارىمىز دا قايتىس بولىپ جاتىر. سوڭعى ۇلگىدەگى تەحنيكامەن جابدىقتالعان كوپبەيىندى اۋرۋحانالار جەلىسى – بۇل ۇلت ساۋلىعىنا قوسىلعان زور ۇلەس ءارى ءتيىمدى شەشىم», دەدى پرەريدەنت.