ەلورداداعى نۇرسۇلتان نازارباەۆ حالىقارالىق اۋەجايىندا ەكىنشى ۇشۋ-قونۋ جولاعىن سالۋ جوسپارلانۋدا. بۇل تۋرالى «نۇرسۇلتان نازارباەۆ» حالىقارالىق اۋەجايى باسقارما توراعاسىنىڭ ورىنباسارى داۋلەت حامزين اۋە ايلاعىن دامىتۋ تۇجىرىمداماسىنىڭ تۇساۋكەسەرىندە ايتتى, دەپ حابارلايدى Egemen.kz.
ەلورداداعى حالىقارالىق اۋەجايدىڭ قازىرگى ۇشۋ-قونۋ جولاعى 2003 جىلى قايتا جاڭعىرتىلىپ, سودان بەرى جاڭارتىلماعان. بيىل مۇندا كۇردەلى جوندەۋ جۇمىستارى جۇرگىزىلدى. دەگەنمەن, اۋە قوزعالىسىنىڭ قارقىندىلىعىنىڭ ارتۋىنا جانە اۋەجايدى دامىتۋ جوسپارىنا بايلانىستى كاسىپورىن باسشىلىعى اەرودروم ۋچاسكەسىن جاڭادان قايتا قۇرۋ قاجەتتىگىن ايتتى.
ء«بىز 2027-2028 جىلدارعا قاراي ۇشۋ-قونۋ جولاعىنىڭ قوزعالىسىن ارتتىرۋدى كوزدەپ وتىرمىز. ۇشۋ-قونۋ جولاعىن, تاكسي جولدارى مەن پەرروندى, سونداي-اق جارىقتاندىرۋ جابدىقتارىن قايتا جوندەۋدى جوسپارلاپ وتىرمىز. ۇشۋ-قونۋ جولاعىن جوندەۋ ۋاقىتشا قولايسىزدىقتار تۋدىرادى, بىراق ءبىز ماسەلەنى شەشەمىز», دەدى «نۇرسۇلتان نازارباەۆ حالىقارالىق اۋەجايى» اق باسقارما توراعاسىنىڭ ءبىرىنشى ورىنباسارى داۋلەت حامزين.
ونىڭ ايتۋىنشا, استانا اۋە ايلاعى 2023 جىلدان باستاپ جولاۋشىلار تاسىمالى مەن ورىندالاتىن رەيستەر سانى بويىنشا قازاقستانداعى ەڭ ءىرى اۋە ايلاعى بولۋى كەرەك. سونداي-اق الداعى 5 جىلدا جۇك تاسىمالداۋ كولەمىن تورت ەسەگە ۇلعايتۋ جوسپارلانۋدا.