قر ءىىم تۇرعىندارعا تۇرعىلىقتى جەرى بويىنشا تىركەلمەگەنى ءۇشىن ايىپپۇل بار ەكەنىن ەسكەرتتى, دەپ حابارلايدى Egemen.kz.
«ازاماتتاردىڭ تۇرعىلىقتى جەرى بويىنشا رەسمي تىركەۋسىز تۇرۋ فاكتىلەرى جيىلەپ كەتتى. زاڭ بويىنشا ءاربىر ازامات جەكە تۇرعىن ءۇي بولسىن, جالعا بەرىلەتىن نەمەسە تۇراقتى تۇراتىن باسقا تۇرعىن ءۇي بولسىن, ءوزى تۇراتىن جەردە تىركەلۋى كەرەك. ايتپەسە, تۇرعىلىقتى جەرى بويىنشا تۇراقتى تىركەۋى جوق ادامدارعا كەيبىر مەملەكەتتىك قىزمەتتەردى پايدالانۋ كەزىندە شەكتەۋلەر قولدانىلادى. ازاماتتاردىڭ تۇرعىلىقتى جەرى بويىنشا تۇراقتى نەمەسە ۋاقىتشا تىركەۋسىز تۇرعانى ءۇشىن اكىمشىلىك قۇقىق بۇزۋشىلىق تۋرالى كودەكستىڭ 492-بابىندا 7 اەك مولشەرىندە ايىپپۇل سالۋعا دەيىن جاۋاپكەرشىلىك كوزدەلگەن», دەدى قر ءىىم كوشى-قون قىزمەتى كوميتەتى توراعاسىنىڭ مىندەتىن اتقارۋشى اسلان اتالىقوۆ.
بۇگىندە ايىپپۇل مولشەرى جوبامەن 21 مىڭ تەڭگەدەن اسادى.
«وسىعان بايلانىستى ىشكى ىستەر مينيسترلىگىنىڭ كوشى-قون قىزمەتى كوميتەتى بارلىق ازاماتتاردى زاڭعا باعىنۋعا شاقىرادى. مەنشىك يەسى ءسىزدى تىركەۋدەن شىعارىپ تاستاعان جوق پا, ۇنەمى تەكسەرىپ وتىرىڭىز. تىركەلگەن جەرىڭىزدى قاراڭىز. ەگەر ءسىز تۇرعىلىقتى جەرىڭىزدى وزگەرتكەن بولساڭىز, وندا جاڭا تۇرعىلىقتى مەكەنجايعا تىركەلۋىڭىز كەرەك. بۇل باسقا قالادان كەلگەن ستۋدەنتتەرگە دە قاتىستى. ءسىز ءوزىڭىزدىڭ وقۋ ورنىڭىزعا تىركەلۋىڭىز كەرەك», دەدى ول.