ەلوردا اتاۋىن اۋىستىرۋعا قاتىستى قالالىق ءماسليحاتتا قوعامدىق تىڭداۋ ءوتتى

تىلدەردى دامىتۋ جانە مۇراعات ىستەرى باسقارماسىنىڭ باسشىسى ساكەن ەسىركەپ جينالعانداردى الەۋمەتتىك جەلىدە, قوعامدا كوپتەن بەرى تالقىلانىپ جۇرگەن, دەپۋتاتتار ءبىراۋىزدان ماقۇلداعان ۇسىنىستى قولداۋعا شاقىردى.

وسى ورايدا نۇر-سۇلتان قالالىق قوعامدىق كەڭەسىنىڭ مۇشەلەرى مارات مۇستافين, كارىمبەك قۇرماناليەۆ تە ەلورداعا ەسكى اتاۋدى قايتارۋدى قولدايتىنىن ءبىلدىردى.

ق.قۇرماناليەۆتىڭ ايتۋىنشا, ول عالىم رەتىندە قاتىسقان شەتەلدەگى حالىقارالىق فورۋمدارعا قاتىسۋشىلاردىڭ كوبى استانا اتاۋىمەن تانىس بولعان. 

بۇل ماسەلەگە بايلانىستى مەملەكەت تاريحى ينستيتۋتى ديرەكتورىنىڭ ورىنباسارى بۇركىتباي اياعان دا ءوز پىكىرىن ءبىلدىردى.

«مەملەكەتتىڭ دامۋىنداعى تۇڭعىش پرەزيدەنت نۇرسۇلتان نازارباەۆتىڭ ءرولى زور بولدى. تۇڭعىش پرەزيدەنتكە العىسىمىز شەكسىز, بىراق قالا اتاۋىن وزگەرتۋ شەشىمى بالكىم, اسىعىس بولعان شىعار. ونوماستيكالىق كوميسسيا استانانىڭ اتىن قايتارۋ تۋرالى ۇسىنىسىمىزدى جان-جاقتى قاراستىرىپ, تالاپقا كوبىرەك سايكەس كەلەدى دەپ ەسەپتەدى. ەڭ باستىسى, قوعامدى بىرىكتىرۋگە مۇمكىندىك بەرەدى», دەيدى ول.

ال, ەلوردا ءماسليحاتىنىڭ حاتشىسى ەرلان قاناليموۆ ەلوردا اتاۋىن وزگەرتۋ پروتسەدۋراسى بىرنەشە كەزەڭنەن ءوتۋى كەرەكتىگىن اتاپ ءوتتى.

ء«بىزدىڭ وتىرىستارىمىزدان سوڭ رەسپۋبليكالىق ونوماستيكالىق كوميسسيادا وسى ماسەلەگە بايلانىستى جيىندار بولادى. وسىدان كەيىن قۇجاتتار ۇكىمەتكە جولدانادى. ۇكىمەت جارلىق جوباسىن پرەزيدەنتتىڭ قول قويۋىنا ۇسىنادى. ەگەر جارلىققا قول قويىلسا, ول رەسمي جاريالانعاننان كەيىن, ەلوردا اتاۋى وزگەرتىلەدى دەپ ايتۋعا بولادى», دەدى ە.كاناليموۆ.