الماتى حالىقارالىق اۋەجايىندا قاۋىپسىزدىكتى كۇشەيتۋ شارالارى ەنگىزىلدى. حالىقارالىق رەيستەردى تىركەۋ زالىنىڭ الدىنا قوسىمشا تەكسەرۋ جەلىسى ورناتىلدى, دەپ حابارلايدى Egemen.kz.
«12 قىركۇيەكتەن باستاپ قازاقستاننىڭ اۆياتسيالىق اكىمشىلىگىنىڭ بۇيرىعىمەن الماتى حالىقارالىق اۋەجايىندا پروفيلاكتيكالىق ءىس-شارالاردى جۇرگىزۋگە بايلانىستى قاۋىپسىزدىك شارالارى ەنگىزىلدى. حالىقارالىق تىركەۋ زالىنىڭ الدىنا قوسىمشا سكرينينگ جەلىسى ورناتىلدى. حالىقارالىق رەيستەرمەن ۇشاتىن بارلىق جولاۋشىلاردى اۋەجايعا الدىن الا كەلۋلەرىن سۇرايمىز», دەپ حابارلادى اۋەجايدىڭ ءباسپاسوز قىزمەتى.
سونداي-اق «ەير استانا» جولاۋشىلاردى تەكسەرۋ جانە تىركەۋ پروتسەدۋرالارىنان ءوتۋ ءۇشىن قازاقستان اۋەجايلارىنا الدىن الا كەلۋدى سۇرايدى.
«بۇل اۆياتسيا اكىمشىلىگىنىڭ بۇيرىعىمەن 2022 جىلعى 12 قىركۇيەك پەن 30 قىركۇيەك ارالىعىندا قازاقستاندىق اۋەجايلاردا كۇشەيتىلگەن قاۋىپسىزدىك شارالارىنىڭ ەنگىزىلۋىنە بايلانىستى», دەپ حابارلادى اۋە كومپانياسىنىڭ ءباسپاسوز قىزمەتى.