ساۋدا جانە ينتەگراتسيا مينيسترلىگى «قازاقستان رەسپۋبليكاسىنىڭ ەكسپورتتىق-كرەديتتىك اگەنتتىگى تۋرالى» زاڭ جوباسىن ازىرلەدى, دەپ حابارلايدى Egemen.kz.
زاڭ جوباسى ەكسپورتتىق-كرەديتتىك اگەنتتىكتىڭ قۇقىقتىق جاعدايىن, قىزمەت ءتارتىبىن, ماقساتتارىن, مىندەتتەرى مەن وكىلەتتىكتەرىن, ونىڭ مەملەكەتتىك ورگاندارمەن, كاسىپكەرلىك سۋبەكتىلەرىمەن وتاندىق شيكىزاتتىق ەمەس تاۋارلاردىڭ (جۇمىستاردىڭ, كورسەتىلەتىن قىزمەتتەردىڭ) ەكسپورتىن دامىتۋ جانە ىلگەرىلەتۋ سالاسىنداعى ءوزارا ءىس-قيمىل ءتارتىبىن ايقىندايدى.
ەكسپورتتىق-كرەديتتىك اگەنتتىكتىڭ مىندەتتەرىنە مىنالار كىرەدى:
وتاندىق ەكسپورتتاۋشىلار مەن شەتەلدىك ساتىپ الۋشىلار جاساساتىن ەكسپورتتىق مامىلەلەردى ەرىكتى ساقتاندىرۋ ارقىلى شيكىزاتتىق ەمەس تاۋارلاردىڭ (جۇمىستاردىڭ, كورسەتىلەتىن قىزمەتتەردىڭ) ەكسپورتىن ىنتالاندىرۋ; وتاندىق ەكسپورتتاۋشىلاردى جانە ولاردىڭ شيكىزاتتىق ەمەس تاۋارلارىن ساتىپ الاتىن شەتەلدىك ساتىپ الۋشىلاردى قارجىلاندىرۋ كەزىندە ەكىنشى دەڭگەيدەگى بانكتەردىڭ جانە قارجى ۇيىمدارىنىڭ, قازاقستاننىڭ دامۋ بانكىنىڭ, ونەركاسىپتى دامىتۋ قورىنىڭ تاۋەكەلدەرىن ساقتاندىرۋ ارقىلى ەكسپورتتى قارجىلاندىرۋدى قامتاماسىز ەتۋ; وتاندىق ەكسپورتتاۋشىلاردى قارجىلىق قولداۋدى كەڭەيتۋ ءۇشىن ەرىكتى ساقتاندىرۋ شارتتارى بويىنشا تاۋەكەلدەردى قازاقستاندىق جانە شەتەلدىك ساقتاندىرۋ (قايتا ساقتاندىرۋ) ۇيىمدارىنا, وزگە دە ەكسپورتتىق-كرەديتتىك اگەنتتىكتەرگە قابىلداپ, قايتا ساقتاندىرۋعا بەرۋ; وتاندىق ەكسپورتتاۋشىلارعا, سونداي-اق ولاردىڭ مۇددەلەرىندە يمپورتتاۋشىلارعا نەمەسە قارجى ۇيىمدارىنا, شەتەلدىك كونتراگەنتتەرگە, شيكىزاتتىق ەمەس تاۋارلاردىڭ تاپسىرىس بەرۋشىلەرىنە ەكسپورتتىق مامىلەلەر بويىنشا كەپىلدىكتەر بەرۋ; ەكسپورت الدىنداعى جانە ەكسپورتتىق ساۋدالىق قارجىلاندىرۋ ماقساتتارى ءۇشىن ەكىنشى دەڭگەيدەگى بانكتەردە, قارجى ينستيتۋتتارىندا شارتتى تۇردە اقشا ورنالاستىرۋ ارقىلى شيكىزاتتىق ەمەس تاۋارلاردىڭ ەكسپورتىن ىنتالاندىرۋ; ينۆەستيتسيالاۋ ەلىنىڭ اۋماعىندا ينۆەستيتسيالىق سالىمداردى جۇزەگە اسىراتىن قر رەزيدەنتتەرىنىڭ ينۆەستيتسيالارىن ساقتاندىرۋ; وتاندىق ەكسپورتتاۋشىلاردىڭ باسەكەگە قابىلەتتىلىگىن ارتتىرۋ ءۇشىن شيكىزاتتىق ەمەس تاۋارلاردى ەكسپورتقا جىلجىتۋدا ولارعا سەرۆيستىك-اقپاراتتىق قولداۋ كورسەتۋ; رەسپۋبليكا ەكونوميكاسىنىڭ تۇراقتى دامۋىنا ىقپال ەتەتىن ونەركاسىپتىك-يننوۆاتسيالىق جوبالاردى ىسكە اسىرۋعا قاتىسۋ جانە باسقا دا مىندەتتەر.بۇل رەتتە ەكسپورتتىق-كرەديتتىك اگەنتتىكتىڭ كەلەسى فۋنكتسيالارى بولادى:
سىرتقى نارىقتارعا تالداۋ جۇرگىزۋ; ەكسپورتتىق كرەديتتەردى جانە ينۆەستيتسيالاردى, سونداي-اق شيكىزاتتىق ەمەس تاۋارلاردىڭ ەكسپورتىن قارجىلاندىرۋعا بايلانىستى وزگە دە مامىلەلەردى ەرىكتى ساقتاندىرۋ جانە قايتا ساقتاندىرۋ; ەكسپورت الدىنداعى جانە ەكسپورتتىق ساۋدانى قارجىلاندىرۋدى قامتاماسىز ەتۋ; ەكىنشى دەڭگەيدەگى بانكتەر, قازاقستاننىڭ دامۋ بانكى, ليزينگتىك قىزمەتتى جۇزەگە اسىراتىن وزگە دە زاڭدى تۇلعالار وڭدەۋشى ونەركاسىپتىڭ وتاندىق جوعارى تەحنولوگيالىق تاۋارلارى مەن كورسەتىلەتىن قىزمەتتەرىن شەتەلدىك ساتىپ الۋشىلارعا بەرەتىن كرەديتتەر جانە ولار جاسايتىن ليزينگتىك مامىلەلەر بويىنشا سىياقى مولشەرلەمەسىن سۋبسيديالاۋ كەزىندە قارجى اگەنتىنىڭ فۋنكتسيالارىن ورىنداۋ; ەكسپورتتىق مامىلەلەردى ورىنداۋ شەڭبەرىندە كەپىلدىك بەرۋ; وتاندىق شيكىزاتتىق ەمەس تاۋارلاردى سىرتقى نارىقتارعا جىلجىتۋ ماسەلەلەرى بويىنشا وتاندىق, شەتەلدىك جانە حالىقارالىق ۇيىمدارمەن ءوزارا ءىس-قيمىل جاساۋ; كاسىپكەرلىك سۋبەكتىلەرىنە شيكىزاتتىق ەمەس تاۋارلاردى ەكسپورتقا جىلجىتۋدا سەرۆيستىك-اقپاراتتىق قولداۋ كورسەتۋ; شەتەلدىك وكىلدەر, وكىلدىكتەر ارقىلى وتاندىق شيكىزاتتىق ەمەس تاۋارلاردى شەتەلدىك ساتىپ الۋشىلاردى ىزدەۋ جانە تارتۋ; ەكسپورتتاۋشىلارعا شەتەلدىك كونتراگەنتتەرمەن داۋلاردى رەتتەۋ بويىنشا قىزمەتتەر كورسەتۋ.زاڭ جوباسىندا ەكسپورتتىق-كرەديتتىك اگەنتتىككە كاسىپكەرلىك قىزمەت رەتىندە مامىلەلەردى جۇزەگە اسىرۋعا جانە وپەراتسيالاردى جۇرگىزۋگە تىيىم سالىنادى.
قۇجات 22 قىركۇيەككە دەيىن اشىق نقا سايتىندا جاريا تالقىلاۋ ءۇشىن ورنالاستىرىلعان.