قوستاناي وبلىسىنداعى اۋليەكول اۋىلىندا ورتتەن زارداپ شەككەندەرگە ءۇي سالىنا باستادى, دەپ حابارلايدى Egemen.kz.
«وبلىس ورتالىعىنا ادامداردى كوشىرۋ تۋرالى ۇكىمەت قاۋلىسى بار. ءبىز 2,5 اي ىشىندە ساپالى ۇيلەر سالىپ, حالىقتى قونىستاندىرۋىمىز كەرەك», دەدى وبلىس اكىمىنىڭ ءبىرىنشى ورىنباسارى عاۋەز نۇرمۇحامبەتوۆ.
سونداي-اق مەردىگەردى تاڭداۋ ءۇشىن ەشقانداي تەندەر وتكىزىلمەگەنى ايتىلدى.
«بۇل توتەنشە جاعداي, مۇندا بايقاۋلار جوق. بايقاۋ وتكىزسەڭىز, ول بىرنەشە ايعا سوزىلادى. ۋاقىت جوق. ەڭ باستىسى بەرىلگەن 2,5 ايدا 100 شارشى مەتر ساپالى ۇيلەر سالۋ قاجەت. سوندىقتان مۇندا ءىرى كومپانيالار جۇمىس ىستەيدى», دەپ ءتۇسىندىردى اكىمنىڭ ورىنباسارى.