اسحات ايماعامبەتوۆ ءبىلىم كۇنىمەن قۇتتىقتادى

«1 قىركۇيەك – جاڭا وقۋ جىلىنىڭ باستالۋىمەن قۇتتىقتايمىن! بۇل - ەرەكشە ەموتسيالاردى تۋدىراتىن مەرەكە, ويتكەنى ءبارىمىز دە وقۋشى بولدىق جانە وسى كۇنى ۇمىتىلماس مەكتەپ جىلدارىن ەسكە الامىز. بۇل - بۇكىل ۇرپاقتى بىرىكتىرەتىن مەرەكە», دەدى ا.ايماعامبەتوۆ.

سونداي-اق ول 7,6 مىڭ مەكتەپتە 3,7 ملن بالانى قاجىرلى ەڭبەگى مەن جوعارى كاسىبي شەبەرلىگى ارقاسىندا العىسقا بولەنىپ كەلە جاتقان ۇستازدارىمىز وقىتاتىنىن اتاپ ءوتتى.

«بيىل 400 مىڭعا جۋىق بالا 1-سىنىپقا بارادى. ولار العاشقى الىپپەلەرىن قولىنا الىپ, ءبىلىم الەمىنە قادام باسادى. بۇل - مەكتەپ ءبىتىرۋشى 170 مىڭ تۇلەك ءۇشىن دە ايرىقشا كۇن. ويتكەنى تۇلەكتەر قورىتىندى ەمتيحاندارعا, ۋنيۆەرسيتەتتەرگە تۇسۋگە جانە ومىردەگى جاڭا كەزەڭنىڭ باستالۋىنا دايىندالادى. ول ىڭعايلى بولۋى ءۇشىن بىلتىردان بەرى ۇبت تاپسىرۋ راسىمىنە بىرنەشە ارتىقشىلىق ەنگىزىلدى. ياعني بۇل - ۇبت-نى 4 رەت تاپسىرۋعا جانە گرانتقا تۇسۋگە 2 مۇمكىندىك. 7,6 مىڭ مەكتەپتە 3,7 ملن بالانى قاجىرلى ەڭبەگى مەن جوعارى كاسىبي شەبەرلىگى ارقاسىندا العىسقا بولەنىپ كەلە جاتقان ۇستازدارىمىز وقىتادى», دەدى مينيستر.