ناۋرىز ايىنان باستاپ ەۋروپادا العاش رەت گازدىڭ بيرجالىق باعاسى 1 مىڭ تەكشە مەتر ءۇشىن 3360 دوللاردى قۇرادى. مۇنداي دەرەكتەردى ICE بيرجاسى كەلتىردى, دەپ حابارلايدى Egemen.kz.
الەمدەگى نەگىزگى ساۋدا الاڭدارىنىڭ ءبىرى - TTF يندەكسى بويىنشا ەڭ جاقىن فيۋچەرستەر سەسسيانى 1 مىڭ تەكشە مەتر ءۇشىن 3290 دوللاردان ءسال جوعارى دەڭگەيىندە اشتى. وسىلايشا, گازدىڭ قۇنى ءبىر كۇندە شامامەن 2%-عا ءوستى.
تاريحي ماكسيمۋم 7 ناۋرىزدا, ءساۋىر فيۋچەرستەرى 1 مىڭ تەكشە مەتر ءۇشىن 3898 دوللار دەڭگەيىندە ساتىلعان كەزدە تىركەلدى.
25 تامىز قارساڭىندا گازدىڭ باعاسى 1 مىڭ تەكشە مەتر ءۇشىن 3312 دوللارعا جەتتى. 22 تامىزدا گازدىڭ قۇنى 3050 دوللارعا جەتىپ, كەيىننەن 2900 دوللاردان تومەندەدى.
19 تامىزدا «گازپروم» «سەۆەرنىي پوتوك» گاز قۇبىرى بويىنشا جەتكىزۋ 31 تامىزدان 2 قىركۇيەككە دەيىن جۇمىستا قالعان جالعىز گاز ايداۋ اگرەگاتىن جوندەۋگە بايلانىستى تولىعىمەن توقتاتىلاتىنىن ەسكەرتكەن ەدى.
كومپانيا جۇمىستاردى اياقتاۋ جانە اگرەگاتتىڭ تەحنيكالىق اقاۋلارىنىڭ بولماۋى فاكتىسى بويىنشا گاز تاسىمالداۋ تاۋلىگىنە 33 ملن تەكشە مەتر دەڭگەيگە دەيىن قالپىنا كەلتىرىلەتىنىن ناقتىلادى.