قاراساي اۋدانى شامالعان اۋىلىندا ءبىر جاسار بالانىڭ ولىمىنە قاتىستى جانتۇرشىگەرلىك وقيعا 12 تامىز كۇنى بولدى, دەپ حابارلايدى Egemen.kz Polisia.kz-كە سىلتەمە جاساپ.
ميكرواۆتوبۋستى بالالاردى بالاباقشالارعا تاسىمالداۋمەن اينالىساتىن 69 جاستاعى ەر ادام باسقارعانى انىقتالدى. ءسابيدىڭ اناسى ۇلكەن ۇلىن بالاباقشاعا جىبەرۋ بارىسىندا ءبۇلدىرشىن شاعىن اۆتوبۋسقا تىم جاقىن تۇرعان. قوزعالىستان كەيىن بالا دوڭگەلەكتەردىڭ استىنا ءتۇسىپ قالعان.
قازىرگى تاڭدا قاراساي اۋدانىنىڭ پوليتسيا بولىمىندە قر قك-ءنىڭ 345-بابى 3-بولىگى (ابايسىزدا ادام ولىمىنە اكەپ سوققان جول قوزعالىسى ەرەجەلەرىن بۇزۋ) بويىنشا قىلمىستىق ءىس تىركەلدى. مۇنداي جاعدايلار بويىنشا قاجەتتى ساراپتامالار تاعايىندالدى.