نۇر-سۇلتان قالاسى ءبىلىم باسقارماسىنىڭ باسشىسى قاسىمحان سەنعازيەۆ ونلاين-بريفينگتە بيىل ءبىرىنشى سىنىپقا 26 مىڭعا جۋىق بالا باراتىنىن ايتتى, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
ايتا كەتۋ كەرەك, وسى جىلى مەكتەپتەردىڭ كىتاپحانا قورى قايتا باسىلىپ شىققان 2-سىنىپتىڭ وقۋلىقتارىمەن جاڭارتىلادى. بۇگىندە قوردا 2,5 ملن-نان استام وقۋلىق بار.
«جاڭارتىلعان وقۋلىقتاردىڭ العاشقى توپتاماسى 12 تامىزدا جەتكىزىلەدى, بەرۋ 15 تامىزدا باستالادى. قازىر مەكتەپتەر 1, 3-9 سىنىپتارعا وقۋلىقتار شىعارا باستادى. وسى جىلدىڭ 25 تامىزىنا دەيىن ەلوردا وقۋشىلارىنىڭ 100%-ى وقۋلىقتارمەن جانە وقۋ - ادىستەمەلىك كەشەندەرمەن قامتاماسىز ەتىلەدى», دەدى قاسىمحان سەنعازيەۆ.
بالالار سانىنىڭ وسۋىنە بايلانىستى 1 ميلليوننان استام كىتاپ ساتىپ الىنادى.