قازاقستاندا كاسىپقوي بوكسشىلاردىڭ ءىسىن جۇرگىزەتىن Lucky Cent پروموۋتەرلىك كومپانياسى قۇرىلاتىن بولدى. بۇل تۋرالى ورتالىقتىڭ نەگىزىن قالاۋشى رۋسلان زادارنوۆسكي مالىمدەدى.
«قازاقستانداعى ەڭ تانىمال جانە ناتيجە بەرىپ جۇرگەن بىردەن-ءبىر سپورتتىڭ ءتۇرى – بوكس. قازاق بوكس مەكتەبىنىڭ داڭقى الىسقا جايىلعانى بارشاعا ءمالىم. ءبىزدىڭ بۇل پروموۋتەرلىك كومپانيانى قۇرۋداعى ماقساتىمىز – وتاندىق بوكسشىلاردى تەك قازاقستاندا ەمەس, شەتەلدەردە دە تانىمال ەتۋ», دەدى ر.زادارنوۆسكي.
قازىرگى تاڭدا Lucky Cent پروموۋتەرلىك قۇرامىندا ەلىمىزگە تانىمال, ىشكى چەمپيوناتتاردا توپ جارىپ, جۇلدەگەرلەر قاتارىنان كورىنىپ جۇرگەن بىرقاتار بوكسشى بار. اتاپ ايتار بولساق, تالاي دودادا توپ جارعان رۋستام رۋستاموۆ, 49 كيلودا ەل بىرىنشىلىگىنىڭ جۇلدەگەرى جاندوس نەسىپجان, 2020 جىلى 63 كيلودا جەڭىسكە جەتكەن ەرتۋعان زەينۋللينوۆ, سونداي-اق اندرەي لەيحنەر, ميراس ەرتانوۆ جانە فارۋح توقتاسىنوۆ ەندى ءوز باعىن كاسىپقوي بوكستا سىناپ كورەدى. ورتالىقتىڭ رەسمي اشىلۋى 25 تامىزدا الماتىدا وتەدى.