اساۋباەۆا – ازيانىڭ ۇزدىك شاحماتشىسى

وعان بۇل ماراپاتتى ءۇندىستاندا ءوتىپ جاتقان شاحماتشىلاردىڭ 44-ءشى وليمپيا­داسى بارىسىندا 15-ءشى الەم چەمپيونى ۆيشۆاناتان اناند تابىستادى. وسىلايشا, جەرلەسىمىز ءبىر جىل ىشىندە الەم چەمپيونى جانە ايەلدەر اراسىنداعى ازيانىڭ 2021 جىلعى ۇزدىك شاحماتشىسى دەگەن اتاققا يە بولدى.

قازىرگى تاڭدا جەرلەستەرىمىز ۇندىستانداعى دۇنيەجۇزىلىك شاحمات وليمپياداسىندا ءساتتى ونەر كورسەتۋدە. قازاقستاننىڭ قىزدار قۇراماسى ەڭ كەيىنگى كەزدەسۋىن سلوۆاكيامەن وتكىزىپ, 3,5-0,5 ەسەبىمەن جەڭىسكە جەتتى. جەرلەستەرىمىزدەن جانسايا ابدىمالىك, ءبيبىسارا اساۋباەۆا جانە گ ۇلىسحان ناحباەۆا جەڭىسكە جەتسە, كسەنيا بالاباەۆا تەڭ وينادى.

ال قازاقستاننىڭ ەرلەر قۇراماسى سەگىزىنشى تۋردا ازەربايجان شاحماتشىلارىمەن شەبەرلىك بايقاسىپ, ءبىر ۇپاي ايىرماشىلىعىمەن جەڭىلىپ قالدى. بۇل كەزدەسۋدە الىشەر سۇلەيمەنوۆ قارسىلاسىنان باسىم تۇسكەن بولسا, رينات جۇماباەۆ تەڭ ءتۇستى. ال ارىستانبەك ورازاەۆ پەن قازىبەك نوگەربەك جەڭىسكە جەتە المادى. وتانداستارىمىز الدىڭعى تۋردا يسپانيانى (2,5-1,5) جەنگەن بولاتىن.