ۇندىستانداعى دۇنيەجۇزىلىك شاحمات وليمپياداسىنىڭ التىنشى كۇنىندە بىرقاتار توسىن ناتيجە تىركەلدى. قازاقستاننىڭ ەرلەر قۇراماسى بۇل تۋردا چەحيادان باسىم تۇسسە, قىزدار قۇراماسى ازەربايجان شاحماتشىلارىنا جول بەردى.
ەرلەر اراسىنداعى التىنشى تۋر باسەكەسىندە قازاقستاندىقتار الەمدىك رەيتينگتە 13-ورىندا تۇرعان چەحيا قۇراماسىمەن جولىعىپ, 2,5-1,5 ەسەبىمەن ايلاسىن اسىردى. قازىبەك نوگەربەك پەن ارىستانبەك ورازاەۆ قارسىلاستارىن جەڭىپ, ءبىر-ءبىر ۇپايعا قول جەتكىزسە, رينات جۇماباەۆ تەڭ وينادى. ال الىشەر سۇلەيمەنوۆ جەڭىلىپ قالدى. ايتا كەتەيىك, قازىبەك نوگەربەك قاتارىنان التى ويىندا قارسىلاستارىنان باسىم ءتۇسىپ وتىر.
وكىنىشكە قاراي, قىزدارىمىز ازەربايجان شاحماتشىلارىنىڭ قارقىنىنا توتەپ بەرە المادى – 1:3. بۇل ويىندا جانسايا ابدىمالىك پەن ءبيبىسارا اساۋباەۆا تەڭ ويناسا, كسەنيا بالاباەۆا مەن گ ۇلىسحان ناحباەۆا قارسىلاستارىنا ەسە جىبەردى.