ءۇندىستاندا ءوتىپ جاتقان شاحمات وليمپياداسىنىڭ بەسىنشى تۋر ويىندارى مارەسىنە جەتتى. بۇل تۋردا قازاقستان قىزدار قۇراماسى كۋبانى جەڭسە, ەرلەر لاتۆيا شاحماتشىلارىن تىزە بۇكتىردى.
قازاقستان ەرلەر قۇراماسىنان بەسىنشى تۋردا الىشەر سۇلەيمەنوۆ, رينات جۇماباەۆ, ارىستانبەك ورازاەۆ جانە قازىبەك نوگەربەك ونەر كورسەتىپ, بارلىعى دا قارسىلاستارىن 1:0 ەسەبىمەن قاپى قالدىردى. ءبىر ايتا كەتەرلىگى, ق.نوگەربەك بەس تۋر بويى 100 پايىزدىق ناتيجە كورسەتىپ, بارلىق ويىندى جەڭىسپەن تۇيىندەپ كەلەدى. ءبىزدىڭ جىگىتتەر كەشە بەس كەزدەسۋدىڭ تورتەۋىندە جەڭىسكە جەتىپ, بىرەۋىندە جەڭىلىپ قالعان چەحيا قۇراماسىمەن وينادى.
ال قۇرامىندا جانسايا ابدىمالىك, گ ۇلىسحان ناحباەۆا, ءبيبىسارا اساۋباەۆا جانە كسەنيا بالاباەۆا بار ايەلدەر قۇراماسى بەسىنشى تۋردا كۋبانى جەڭدى – 3:1. العاشقى ەكى سپورتشىمىز قارسىلاستارىنان ايلاسىن اسىرسا, كەيىنگى ەكى شاحماتشىمىز تەڭ ءتۇستى. قىزدارىمىز كەشە ازەربايجان قۇراماسىمەن شەبەرلىك بايقاستى.