فۋتبولدان ۋەفا كونفەرەنتسيا ليگاسىنىڭ ىرىكتەۋ كەزەڭدەرىنە قاتىسىپ جاتقان قازاقستاندىق «توبىل» مەن «قىزىلجار» كلۋبتارىنىڭ پلەي-وفف كەزەڭىندەگى ىقتيمال قارسىلاستارى بەلگىلى بولدى.
سەيسەنبى كۇنى شۆەيتساريانىڭ نون قالاسىندا ەۋروكۋبوك ويىندارىنىڭ جەرەبەسى تارتىلدى. جەرەبەگە سايكەس ەگەر قوستانايدىڭ «توبىلى» كونفەرەنتسيا ليگاسىنىڭ ءۇشىنشى ىرىكتەۋ كەزەڭىندە بوسنيا جانە گەرتسەگوۆينانىڭ «زرينسكيىنەن» باسىم تۇسەتىن بولسا, وندا پلەي-وفف ساتىسىندا ەۋروپا ليگاسىنداعى «وليمپياكوس» (گرەكيا) – «سلوۆان» (سلوۆاكيا) جۇبىنىڭ جەڭىلگەن كومانداسىمەن كەزدەسەدى.
ال ءۇشىنشى اينالىمدا كيپردىڭ اپوەل كلۋبىمەن وينايتىن پەتروپاۆلدىڭ «قىزىلجارىنا» «سفىنتۋل گەورگە» (رۋمىنيا) – «يۋرگوردەن» (شۆەتسيا) جۇبىنىڭ جەڭىمپاز كومانداسى قارسىلاس اتانۋى مۇمكىن. پلەي-وفف كەزەڭىنىڭ ماتچتارى 18 جانە 25 تامىز كۇندەرىنە جوسپارلانعان. «توبىل» مەن «قىزىلجار» بۇگىن كونفەرەنتسيا ليگاسىنىڭ ءۇشىنشى ىرىكتەۋ كەزەڭىندەگى العاشقى ويىندارىن سىرت الاڭدا وتكىزەدى.