قازاقستاننىڭ جاسوسپىرىمدەر قۇراماسى چەحيانىڭ پروستەەۆ قالاسىندا ءوتىپ جاتقان 14 جاسقا دەيىنگى كوماندالىق الەم چەمپيوناتىندا تاريحي جەڭىسكە قول جەتكىزدى.
بايراقتى باسەكەنىڭ العاشقى اينالىمىندا ەكۆادور قۇراماسىنان 2:1 ەسەبىمەن جەڭىلىپ قالعان جەرلەستەرىمىز ەكىنشى كەزەڭدە 2016 جىلعى الەم چەمپيونى – ارگەنتينامەن شەبەرلىك بايقاستى. اسا تارتىستى وتكەن كەزدەسۋدە قازاقستاندىق جاسوسپىرىمدەردىڭ مەرەيى ۇستەم بولىپ, الەم چەمپيوناتىنداعى تۇڭعىش جەڭىسىنە قول جەتكىزدى.
ءبىرىنشى ماتچتا دانيەل تازابەكوۆ بەندجامين چەليانى تىزە بۇكتىردى. جەرلەسىمىز ەكى سەتتە – 7:5, 6:2 ەسەبىمەن جەڭىسكە جەتتى. سودان كەيىن زاڭعار نۇرلان ۇلى ارگەنتينا قۇراماسىنىڭ كوشباسشىسى دانتە پاگانيمەن وينادى. ءبىرىنشى پارتيادا زاڭعار 6:2 ەسەبىمەن باسىم تۇسكەنىمەن, قالعان ەكى سەتتە ارگەنتينالىق ءساتتى ونەر كورسەتتى – 6:1, 6:1. ماتچ تاعدىرى جۇپتىق باسەكەدە شەشىلدى. دامير جالعاسباي مەن دانيەل تازابەكوۆ دانتە پاگاني – بەندجامين چەليانى ەكى سەتتە تىزە بۇكتىردى – 6:1, 6:4. قورىتىندى ەسەپ – 2:1. وتانداستارىمىز كەشە بىلتىرعى الەم چەمپيوناتىنىڭ جەڭىمپازى يتاليامەن كەزدەستى.