شاحماتتان ءۇندىستاننىڭ چەنناي قالاسىندا ءوتىپ جاتقان وليمپيادانى قازاقستاننىڭ قىزدار قۇراماسى ءساتتى باستادى. جەرلەستەرىمىز العاشقى ەكى ويىندا گۆاتەمالا مەن بەلگيا قۇرامالارىنان باسىم ءتۇستى.
قازاقستاننىڭ شاحماتشى قىزدار قۇراماسى وليمپيادانىڭ العاشقى اينالىمىندا گۆاتەمالا سپورتشىلارىمەن ويناپ, 4-0 ەسەبىمەن جەڭىسكە جەتتى. ەكىنشى راۋندتا جەرلەستەرىمىز بەلگيا قۇراماسىمەن شەبەرلىك بايقاسىپ, بۇل جولى دا قارسىلاستارىن تىزە بۇكتىردى – 3-1. بۇل كەزدەسۋدە ءبيبىسارا اساۋباەۆا مەن نازەركە نۇرعالي ءوز ويىندارىندا جەڭىسكە جەتسە, جانسايا ابدىمالىك پەن كسەنيا بالاباەۆا تەڭ ءتۇستى.
ال العاشقى اينالىمدا قىتايلىق تايپەيدەن 3:1 ەسەبىمەن باسىم تۇسكەن قازاقستان ەرلەر قۇراماسى ەكىنشى ماتچتا تاجىكستان شاحماتشىلارىنان جەڭىلىپ قالدى – 1,5-2,5. بۇل ماتچتا قازىبەك نوگەربەك قارسىلاسىنان باسىم تۇسسە, ارىستانبەك ورازاەۆ تەڭ وينادى. وكىنىشكە قاراي, الىشەر سۇلەيمەنوۆ پەن مۇرتاس قاجىعاليەۆ قارسىلاستارىنا جول بەردى.