فۋتبولدان قازاقستان ۇلتتىق قۇراماسى مەن پاۆلودارلىق «اقسۋدىڭ» جارتىلاي قورعاۋشىسى ايبول ابىكەننىڭ تىيىم سالىنعان پرەپاراتتى قولدانعانى انىقتالىپ, رەسمي تۇردە فۋتبولدان ءتورت جىلعا شەتتەتىلدى.
مامىر ايىندا ايبول ابىكەن دوپينگ قولداندى دەگەن كۇدىككە ءىلىنىپ, فۋتبولدان ۋاقىتشا شەتتەتىلگەن ەدى. ءۇش ايلىق تەكسەرىستەن كەيىن قازاقستاندىق فۋتبولشىنىڭ تىيىم سالىنعان مەلدوني (ميلدرونات) پرەپاراتىن قولدانعانى انىقتالىپ, رەسمي تۇردە 2022 جىلدىڭ 29 ساۋىرىنەن 2026 جىلدىڭ 29 ساۋىرىنە دەيىن فۋتبولدان شەتتەتىلدى.
ايتا كەتەيىك, كەيىنگى ەكى جىلدا وسىمەن ءۇشىنشى قازاقستاندىق فۋتبولشى دوپينگپەن ۇستالىپ, فۋتبولدان شەتتەتىلىپ وتىر. 2020 جىلى ءباا-ءنىڭ «ال-اين» كومانداسىندا دوپ تەپكەن باۋىرجان يسلامحاننىڭ قانىنان تىيىم سالىنعان پرەپارات تابىلسا, بىلتىر كۇزدە «توبىلدىڭ» جارتىلاي قورعاۋشىسى رۋسلان ۆاليۋللين دا فۋتبولدان ەكى جىلعا الاستاتىلعان ەدى.