تەننيستەن جۇپتىق سىنداعى قازاقستاننىڭ ءبىرىنشى, الەمنىڭ 23-راكەتكاسى اننا دانيلينا ۆارشاۆادا (پولشا) ءوتىپ جاتقان WTA 250 ءتۋرنيرىنىڭ شيرەك فينالىنا شىقتى.
جۇلدە قورى 251,7 مىڭ اقش دوللارىن قۇرايتىن WTA ساناتىنداعى BNP Paribas Poland Open جارىسىندا قازاقستاندىق تەننيسشى گەرمانيالىق اننا-لەنا فريدزاممەن بىرگە جۇپ قۇراپ ونەر كورسەتۋدە. وسى جارىستىڭ 4-راكەتكالارى بولىپ تىركەلگەن دانيلينا مەن فريدزام باستاپقى كەزدەسۋىن نيدەرلاندتىق ارياننا حارتونو مەن اۋستراليالىق وليۆيا تياندرامۋليامەن وتكىزدى. قازاقستاندىق-گەرمانيالىق جۇپ ءبىرىنشى پارتيادا مىقتىلىق تانىتىپ, 6:3 ەسەبىمەن باسىم ءتۇستى. ەكىنشى سەتتە قارسىلاستارى بەلسەندى ويناپ, ەسە قايتاردى – 6:1. سۋپەر تاي-برەيكتە دانيلينا مەن فريدزامنىڭ مەرەيى ۇستەم بولىپ, جەڭىستى ج ۇلىپ الدى – 10:6.
ەندى دانيلينا مەن فريدزام ءتۋرنيردىڭ شيرەك فينالىندا رۋمىنيالىقتار الەكساندرا يگناتيك پەن گابريەلا ليمەن كەزدەسەدى.